Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.

Qo‘shiq eshitib yig‘lash qalbni jarohatlaydi.

Qur’oni Karimni tinglab yig‘lash qalbni poklaydi.

“Xovatir roqiya jurnali”

*****

Boylarga qimmatbaho hadyalar berib, faqirlarga kiymayotgan libos, ortib qolgan taomlarimizni beramiz.

“Xovatir roqiya jurnali”

*****

Odamlar ovozingni eshitsalar, Alloh taolo ovozing bilan birga qalbingda kechayotgan narsalarni ham bilib turadi.

“Xovatir roqiya jurnali”

*****

Onangning bag‘riga bosh qo‘yishingga fursat bormi, buni qo‘ldan boy berma. Shunday kun keladiki, unda onangni izlab topolmay qolasan.

“Xovatir roqiya jurnali”

*****

Ko‘plarimiz Alloh taologa duo qilganimizda “Ey Alloh, albatta, Sen Afuvvsan, kechirishni yaxshi ko‘rasan, meni kechirgin” deymiz-da, ammo o‘zimiz odamlarni, yaqinlarimizni kechirmaymiz.

“Xovatir roqiya jurnali”

*****

Agar Alloh taolo senga saodatni yozgan bo‘lsa, uni sendan hech kim o‘g‘irlab ololmaydi.

“Xovatir roqiya jurnali”

*****

Haybatning sabablaridan biri kam gapirish, chiroyning sabablaridan biri sertabassumlik.

“Xovatir roqiya jurnali”

*****

Internet materiallaridan to‘plab, tarjima qiluvchi

Nozimjon Iminjonov