Buyuk Britaniya musulmonlari soni 3 milliondan oshdi
Buyuk Britaniya qirolligi milliy statistika byurosining xabariga ko‘ra, musulmonlarning soni 2019 yil yakuni bo‘yicha 3 million nafardan oshgan.
Londonning ba’zi qismlarida musulmonlar aholining 50 foizini tashkil etishi ta’kidlaangan. Holat shu darajada qolsa, mazkur joylarda yaqin o‘n yillikda musulmonlar aholining aksariyatini tashkil etishi aytilgan.
Rasmiy ma’lumotlarga asosan, Angliya, Shotlandiya va Uelsning musulmon aholisi 3 363 210 nafar, ya’ni aholi umumiy sonining 5,9 foizidir. Bu haqda The Sun ma’lumot bergan (https://azon.uz/content/views/buyuk-britaniyada-musulmonlar-soni-rasma).
2018 yil ma’lumotlaricha Londonda 1,26 million nafar Islomga e’tiqod qiluvchilar yashagan, bu poytaxt aholisining 14,2 foizidir.
Musulmonlar soni ortar ekan, xristianlar soni kamayib bormoqda. Sikxlar, yahudiylar va buddistlarning soni avvalgi darajada qolgan.
O‘zbekiston musulmonlari idorasi Matbuot xizmati
Mustaqillik shukuhi — ezgulik va saxovat timsoli
Mustaqilligimizning 35 yilligi munosabati bilan yurtimizda tinchlik, mehr-oqibat, saxovat va insonparvarlik kabi yuksak qadriyatlarni keng targ‘ib etishga qaratilgan xayrli tadbirlar amalga oshirilmoqda.
Jumladan,13 avgust kuni Xorazm viloyati bosh imom-xatibi Xayrulla domla Abdullayev boshchiligida tuman bosh imom-xatiblari, otinoyilar, «Haj–2026» ziyoratidan qaytgan hoji otalar va hoji onalar hamda mahalla faollari ishtirokida Urganch shahridagi «Oxun bobo» jome masjidida sayyor yig‘ilish o‘tkazildi. Tadbirda Xorazm viloyati hokimi o‘rinbosari R.Sobitov ishtirok etdi. Tadbir doirasida «Mustaqillik shukuhi» shiori ostida Urganch shahridagi boquvchisini yo‘qotgan, yetim, nochor va kam ta’minlangan oilalardan 100 nafariga VAQF jamoat fondi viloyat bo‘limi bilan hamkorlikda moddiy yordamlar ko‘rsatildi. Bu xayrli amal orqali ehtiyojmand oilalar holidan xabar olinib, ularga moddiy ko‘mak va samimiy mehr-e’tibor ulashildi.
O‘zbekiston musulmonlari idorasi Xorazm viloyati vakilligi matbuot xizmati