Xorijga noqonuniy ishga yubormoqchi bo‘lgan xususiy bandlik agentligi xodimlari ushlandi
Bosh prokuratura huzuridagi Departament tomonidan DXX xodimlari ishtirokida o‘tkazilgan tadbir davomida Koreya Respublikasiga ishga jo‘natishni va’da qilib, 5 kishidan jami 35 ming dollar olmoqchi bo‘lgan xususiy bandlik agentligi vakillari ushlandi.
«Bosh prokuratura huzuridagi Departament tomonidan DXX xodimlari bilan hamkorlikda o‘tkazilgan tezkor tadbirda, «O. xususiy bandlik agentligi» MCHJ xodimlari M.I., T.A. va fuqaro I.X. fuqaro L.K. va boshqalarning ishonchiga kirib, ularni aldab, 4 nafar o‘g‘illari va 1 nafar jiyanini noqonuniy ravishda, tegishli hujjatlar rasmiylashtirmasdan Koreya Respublikasiga ishga yuborish evaziga har biri uchun 7 000 AQSH dollaridan jami 35 000 AQSH dollari talab qilib, shundan, 17 500 AQSH dollarini firibgarlik yo‘li bilan olgan vaqtlarida ashyoviy dalillar bilan ushlandi», deyiladi Bosh prokuratura matbuot xizmati Kun.uz'ga bergan ma’lumotda.
Shuningdek, tezkor tadbir davomida «A.visa» MCHJ rahbari Sh.A. yuqorida nomlari keltirilgan 5 kishini noqonuniy ravishda Koreya Respublikasiga ishga yuborish evaziga bo‘nak sifatida 2 500 dollar olgan vaqtida ashyoviy dalillar bilan ushlangan.
Hozirda, mazkur holatlar yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Moddiy-manaviy ko‘mak ko‘rsatildi
2024 yilgi hojilar ishtirokida o‘tkazilayotgan “Yangi O‘zbekistonning fidoyisi bo‘lib, ma’naviyat targ‘ibotchisiga aylanamiz” tashabbusi doirasidagi ma’naviy-ma’rifiy targ‘ibot tadbirlari etmoqda.
Mavsum boshidan hozirga qadar o‘tkazilgan 96 ming 590 ta tadbir doirasida 590 382 nafar yurtdoshimiz qamrab olindi. Ularning oilaviy sharoitlaridan kelib chiqib, tinchlik qadri, shukronalik, yoshlar tarbiyasi, illatlarga barham berish, ilm-ma’rifatga targ‘ib, yot g‘oyalarga qarshi kurashish mavzularida suhbatlar o‘tkazilmoqda.
Ehtiyojmandlar holidan xabar olinib, oziq-ovqat mahsulotlari, moddiy yordamlar berilmoqda.
O‘zbekiston musulmonlari idorasi
Matbuot xizmati
