O'zbekiston sayyohlik salohiyati Misrning etakchi radiolari orqali targ'ib qilinmoqda
Misrning ommabop radiokanallarida O'zbekistonning sayyohlik salohiyat targ'ibotiga bag'ishlangan eshittirishlar efirga uzatilmoqda, deb xabar qilayapti «Dunyo» AA muxbiri.
Jumladan, shu yil avgust oyida e'tiboran ushbu mamlakatning «Nogoum FM-100.6» va «Nile FM-104.2» radiokanallarida O'zbekistonning turistik salohiyatiga bag'ishlagan radioroliklar misrlik tinglovchilar e'tiboriga havola qilinmoqda. Ushbu materiallar bir oy davomida ushbu kanallar orqali uzatiladi.
Yigirma soniya davom etadigan ingliz va arab tillaridagi mazkur eshittirishlarda mamlakatimizning Ziyorat turizmi imkoniyatlari, islom olamida mashhur bo'lgan Samarqand, Buxoro va Horazm kabi tarixiy shaharlarimiz haqidagi muhim ma'lumotlar o'rin olgan. Shuningdek, Misr aholisi tomonidan qadrlanadigan buyuk allomalarimiz Imom Buxoriy, Ibn-Sino, Horazmiy, Zamaxshariy va Imom Moturidiy hayotiga oid muhim dalillar tinglovchilarga etkazilmoqda.
Radio eshittirishlar davomida, misrliklar O'zbekistonga sayyohat qilishga, milliy o'zbek oshxonasi, go'zal tabiat manzaralari va betakror shaharlarimiz arxitekturasidan bahramand bo'lishga da'vat etilyapti.
Anjuman qatnashchilari Islom sivilizatsiyasi markaziga sayohat qilishdi
Xabar berganimizdek, 19-20 avgust kunlari Islom sivilizatsiyasi markazida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani bo‘lib o‘tmoqda.
Bugun, 19 avgust kuni ishtirokchilar kutib olinib, ularning Islom sivilizatsiyasi markaziga sayohati tashkil etildi. Tashrif davomida mehmonlar markazning boy ekspozitsiyalari, Qur’oni karim zali, nodir qo‘lyozmalar hamda buyuk ajdodlarimizning ilmiy merosiga bag‘ishlangan bo‘limlar bilan yaqindan tanishdi. Ayniqsa, zamonaviy multimedia loyihalari va tarixiy eksponatlar ularda chuqur taassurot qoldirdi.
Ustozlar Markazda amalga oshirilayotgan keng ko‘lamli ishlar islom ma’rifatini targ‘ib qilish hamda yosh avlodni milliy-diniy qadriyatlarga hurmat ruhida tarbiyalashda muhim ahamiyat kasb etishini e’tirof etishdi.
Shuningdek, ishtirokchilar O‘zbekiston musulmonlari idorasida ham bo‘lishdi. Hazrati Imom majmuasidagi tarixiy qadamjo va obidalarni ziyorat qilishdi.
Oqshomda Islom sivilizatsiyasi markazi binosida ma’rifiy dastur – mapping namoyish qilindi.
Mazkur tadbirlar islom sivilizatsiyasi merosini targ‘ib etish, diniy ta’lim tizimini yanada takomillashtirib, yangi bosqichga olib chiqishda salmoqli hissa bo‘lib qo‘shiladi.
O‘zbekiston musulmonlari idorasi Matbuot xizmati
- «
- »