Navoiy viloyati Navbahor tumanidagi “Armijon” jome masjidi imom-xatibi tashabbusi namozxonlar orasida o‘ziga xos viktorina o‘tkazildi.

“Beshikdan to qabrgacha ilm ista” shiori ostida o‘tkazilgan ushbu viktorinada imom-xatib Orif domla Naimov tomonidan Islomda ibodat va boshqa masalalarda turli savollar berildi, javobini topishga esa bir kun muxlat berildi. Natijada namozxonlarning qiziqishi ortib, berilgan savollarga javob axtardilar, ko‘plab kitoblarni o‘qib, o‘rganishga kirishib ketdilar.

Mazkur loyihadan ko‘zlangan asosiy maqsad qiziqarli uslublarda jamoatni kitob mutolaasiga keng targ‘ib etish, savodxonlikni oshirishdir.

1-bosqichda to‘g‘ri javoblarni topib, g‘olib bo‘lganlar masjid ma’muriyati tomonidan mo‘tabar kitoblar bilan taqdirlandilar.

Viktorina bosqichma-bosqich muntazam davom etirrilishi rejalashtirilgan.

O‘zbekiston musulmonlari idorasi Masjidlar bo‘limi