O‘mon Sultoni Qobus bin Said vafot etgani munosabati bilan ushbu davlatning O‘zbekistondagi favqulodda va muxtor elchisi Ahmad bin Said bin Umar al-Kasiriyga O‘zbekiston musulmonlari idorasi raisi, muftiy Usmonxon Alimov hazratlarining ta’ziyalari yetkazildi.

14 yanvar kuni O‘zbekiston musulmonlari idorasi raisining birinchi o‘rinbosari Xomidjon Ishmatbekov va Xalqaro aloqalar bo‘limi mudiri Muhammad-Akmalxon Shakirov Toshkent shahridagi O‘mon Sultonligining O‘zbekistondagi elchixonasiga tashrif buyurib, elchi Ahmad bin Said bin Umar al-Kasiriyga muftiy hazratlarining hamdardliklari izhor qilindi hamda elchixonaning esdalik kitobiga Diniy idoraning ta’ziyasi qayd etib qo‘yildi.
Qobus bin Said mamlakat xalqining farovonligi va xalqaro maydondagi o‘rnini har tomonlama mustahkamlash yo‘lida beqiyos sa’y-harakatlarni amalga oshirgan taniqli va mohir davlat arbobi edi.

O‘zbekiston musulmonlari idorasi Matbuot xizmati