muftyat.kz saytining xabar berishicha, Nursulton shahrida Haj ziyorati narxlarini pasaytirish xususida rasmiylar ishtirokida uchrashuv o‘tkazilgan. Uchrashuvda Qozog‘iston musulmonlari idorasi devoni boshlig‘i Gilimbek Majiyev, Din ishlari bo‘yicha qo‘mita rahbari Dosimjon Nurbayev, Bosh muftiy maslahatchisi Boltaboy Mekejanov, Idoraning ziyorat bo‘limi boshlig‘i Jandilda Bekjigitov hamda ziyorat kompaniyalari rahbarlari ishtirok etishgan.

Sayyohlik va ziyoratni tashkil etuvchi kompaniyalar rahbarlari bu borada o‘z fikrlarini bildirib o‘tganlar hamda narxlarning oshishiga asosiy sabab transport, ovqatlanish, aviatashuv xizmatlari uchun narxlarning yuqorilashi ekanini qayd etib o‘tishgan. Bu borada muhokamalar yana davom etishi ma’lum qilindi.

O‘zbekiston musulmonlari idorasi Matbuot xizmati