Yil tanlovi davom etmoqda: Diniy idora 1800 ovoz bilan yetakchilar qatorida!
Avval xabar qilinganidek, O‘zbekiston Milliy axborot agentligi jamoatchilik fikrini o‘rganish maqsadida, joriy 2019 yilda ommaviy axborot vositalarida eng faol yoritilgan, tizim faoliyatida ochiqlik va shaffoflikni namoyon etgan, xalq bilan ishlashda samarali natijalarga erishgan davlat va xo‘jalik boshqaruvi organlari, jamoat tashkilotlari o‘rtasida o‘tkazilayotgan tanlov jadal sur’atlarda davom etmoqda.
Tanlov ijtimoiy so‘rov asosida “Eng namunali hudud”, “Eng namunali vazirlik”, “Eng namunali davlat va jamoat tashkiloti” kabi nominatsiyalar bo‘yicha saralanadi.
“2019 yilning eng yaxshi davlat yoki jamoat tashkiloti” yo‘nalishida O‘zbekiston musulmonlari idorasi ham ishtirok etmoqda. 2019 yil 12 dekabr holatiga ko‘ra, Diniy idora 1800 ovoz bilan yetakchi o‘rinlarda bormoqda. Ayni kunlarda ovoz berish jarayonlari davom etmoqda.
Ovoz berishni ushbu link orqali amalga oshiring, tanlov haqida batafsil ma’lumotni esa quyidagi manzilda o‘qing!
O‘zbekiston musulmonlari idorasi Matbuot xizmati
Yurtimiz bo‘ylab 6000 nafarga yaqin obodonlashtirish xodimlariga bayram hadyalari ulashildi
Mustaqilligimizning 35 yillik bayrami arafasida O‘zbekiston musulmonlari idorasi huzuridagi “Vaqf” xayriya jamoat fondi mahalliy hokimliklar bilan hamkorlikda yurtimiz ozodaligiga beqiyos hissa qo‘shib kelayotgan 2500 nafardan ortiq obodonlashtirish xizmati xodimlariga oziq-ovqat jamlanmalari tarqatdi.
Tadbirlardan ko‘zlangan asosiy maqsad mashaqqatli va sharafli mehnati har doim ham ko‘zga ko‘rinavermaydigan soha xodimlarining mehnatini e’tirof etish, ularning qalbiga bayram shukuhi, xonadonlariga quvonch kiritishdir.
Inson qadrini ulug‘lash va ijtimoiy himoyaga muhtoj qatlamni qo‘llab-quvvatlashga qaratilgan bu kabi xayrli ishlar shu kunlarda yanada keng quloch yozib, mamlakatimizning barcha hududlarida o‘tkazildi.
Shuningdek, homiylar tomonidan Respublikamiz bo‘ylab 3500 nafarga yaqin ana shunday fidoyi xodimlarning ko‘ngli xushnud etildi.
Bu kabi xayr-saxovatga yo‘g‘rilgan bayram tadbirlari o‘lkamizning barcha go‘shalarida davom etmoqda.
O‘zbekiston musulmonlari idorasi Matbuot xizmati
