Brayl alifbosidagi Qur'on taqdim etildi
24 yanvarda boshlangan Qohiradagi 55-xalqaro kitob ko'rgazmasida Qur'oni karim va brayl alifbosida yozilgan ko'plab diniy kitoblar namoyish etildi.
Ko'rgazmada Qur'on nusxalari va brayl alifbosida yozilgan ko'plab diniy kitoblar namoyish etildi, deya xabar beradi “IQNA” sayti “Youm7” nashriga tayanib. Ushbu asarlarning aksariyatini ko'zi ojizlar uchun maxsus yordam uyushmasi taqdim etgan.
Ko'zi ojizlar stendida ko'rgazmaga qo'yilgan kitoblar orasida Qur'oni karim va uning turli tafsirlari, zamonaviy misrlik Qur'on mutafakkirlarining ateistlar bilan munozaralari va ayollar huquqlariga oid yozuvlari o'rin olgan.
Qur'oni karimni ko'zi ojizlarga o'rgatish Misrda an'anaga aylangan va misrliklarning eng mashhur qori va hofizlari ko'zi ojiz bo'lgan. Biroq ilgari bu tadqiqotlar faqat an'anaviy va eshitish usulida olib borilgan. So'nggi yillarda yangi texnologiyalardan, ayniqsa, Brayl alifbosi va Qur'on alifbosidagi o'quv kitoblaridan foydalanishga ham katta e'tibor qaratilmoqda.
Misr poytaxti Qohirada bo'lib o'tayotgan ko'rgazmada 70 dan ortiq davlatdan 1 200 ta nashriyot ishtirok etmoqda.
Bu yilgi Qohira ko'rgazmasining Oliy qo'mitasi Misrning o'ziga xosligini mustahkamlashdagi muhim roli tufayli taniqli tarixchi olim Salim Hasanni 55-Qohira ko'rgazmasining asosiy qahramoni sifatida tanladi.
Ko'rgazma 6 fevralgacha davom etadi.
O'zbekiston musulmonlari idorasi
Matbuot xizmati
Sietl shahri 1 sentyabrni “O‘zbekiston Mustaqilligi kuni” deb e’lon qildi
AQSHning Sietl shahri meri Keti B. Uilson 2026 yil 1 sentyabrni “O‘zbekiston Mustaqilligi kuni” deb rasman e’lon qildi. Bu haqda shahar meri tomonidan imzolangan maxsus proklamatsiyada qayd etilgan.
Hujjatda O‘zbekiston mustaqilligining 35 yilligi, mamlakatning shu davr mobaynida suverenitet, taraqqiyot va keng ko‘lamli o‘zgarishlar yo‘lini bosib o‘tgani alohida ta’kidlangan.
Shuningdek, proklamatsiyada O‘zbekistonning Markaziy Osiyodagi eng ko‘p aholiga ega davlat ekani, iqtisodiyot yillik 5–6 foiz atrofida o‘sib borayotgani, ochiq bozor va xalqaro hamkorlikni rivojlantirishga intilayotgani qayd etilgan.
Hujjatda O‘zbekistonning qadimiy Ipak yo‘li markazida joylashgani va bugungi kunda 100 milliondan ortiq iste’molchini qamrab oluvchi mintaqaga strategik darvoza vazifasini bajarayotganiga ham urg‘u berilgan. Bu esa savdo, investitsiya, logistika, texnologiya va energetika sohalarida Sietl biznes hamjamiyati bilan hamkorlik uchun katta imkoniyat sifatida baholangan.
Bundan tashqari, O‘zbekistonning Sietldagi Bosh konsulligi faoliyati ikki tomon o‘rtasida odamlar, biznes va davlat idoralari darajasida uzoq muddatli aloqalarni mustahkamlashga xizmat qilishi ta’kidlangan.
https://t.me/Rasmiy_axborot_official
