Joriy yilning 9 noyabr kuni O‘zbekiston musulmonlari idorasi Farg‘ona viloyati vakili, viloyat bosh imom-xatibi  Ubaydulloh domla Abdullayev masjidlarda olib borilayotgan qurilish va ta’mirlash hamda kuz-qish mavsumiga tayyorgarlik jarayonlari bilan tanishish maqsadida Qo‘shtepa tumaniga tashrif buyurdi. 

Tumandagi «Qorashbuva» jome masjidining dastlabki binosi xo‘jalik inshooti sifatida qurilgan bo‘lib, keyinchalik masjidga moslashtirilgan. Yurtimizda diniy-ma’rifiy sohada olib borilayotgan islohotlar samarasi o‘laroq mazkur masjid ham ayni vaqtda yangi loyiha asosida qayta qad ko‘tarmoqda. 

Viloyat bosh imom-xatibi qurilish jarayoni, u yerda olib borilayotgan ishlar bilan yaqindan tanishar ekan, yangi bunyod etilayotgan masjid va unga hamohang bo‘lgan qo‘shimcha binolar ham zamonaviy arxitektura talablariga javob berishi, mo‘min-musulmonlarning ibodati uchun har tomonlama qulay bo‘lishini e’tiborga olinishi ham xalqimizga uzoq yillar xizmat qilishi, bir so‘z bilan aytganda, uzoqni ko‘zlab ish olib borish zarurligini ta’kidladi. 

«Eshonguzar» va «Do‘rmon» masjidlariga uyushtirilgan tashrif asnosida tahoratxonalar holati, kuz-qish mavsumiga tayyorgarlik bo‘yicha amalga oshirilayotgan ishlar bilan tanishilib, zaruriy tavsiyalar berildi.

R.Jalilov,

Farg‘ona viloyati vakilligi xodimi