Hojatxonaga kirish va chiqishda bajariladigan 10 amal
- Hojat kuchaymasdan oldin hojatxonaga borish. Hojat qistab turganda namoz o‘qish makruh. Shu sababli, hojatxonaga hojat tangligi kuchaymasidan oldin borish lozim.
- Hojatxonaga oyat, hadislar yozilgan narsalar bilan kirmaslik. Xaloga oyat, hadis, Alloh taoloning va payg‘ambarlarning nomlari yozilgan narsalar bilan kirish mumkin emas. Ularni tashqariga qoldirish kerak.
- Hojatxonaga bosh kiyim bilan kirish. Zero, boshyalang kirish makruhdir.
- Hojatxonaga chap oyoq bilan kirish.
- Kirishdan oldin ushbu duoni o‘qish:
بِسْمِ اللهِ، اَللّٰــهُمَّ إِنّيِ أَعُوذُ بِكَ مِنَ الْخُبْثِ وَالْخَبَائِثِ
“Bismillahi, Allohumma inniy a’uzu bika minal xubsi val xobais”
“Allohim, Sendan erkak va urg‘ochi shaytonlardan panoh tilayman”.
- Tana og‘irligini chap tomonga bosib o‘tirish.
- Poklanadigan vositani toq ishlatish.
- Istibro va istinjoni chap qo‘l bilan qilish.
Istibro – siydik chiqmay qolgunga qadar olat uchiga chap qo‘lda kesak kabi namlikni shimib oladigan narsani tutib turish. Erkaklarga uni qilish vojibdir. Buning uchun hojat o‘rnidan turib, peshob yo‘liga kesak tutib yurish, silkinish yoki yo‘talish kerak. Siydik yo‘lida hech narsa qolmaganiga to‘la ishonch hosil bo‘lgach, suv bilan tozalaniladi.
Istinjo – kesak kabi narsalar va suv bilan tozalanishdir. Chap qo‘l bilan qilish mustahabdir.
- Hojatxonadan o‘ng oyoq bilan chiqish.
- Chiqqandan so‘ng ushbu duoni o‘qish:
غُفْرَانَكَ
“G‘ufronaka”
“Allohim, Sendan mag‘firat qilishingni so‘rayman”.
“Alhamdu lillahillaziy azhaba ’annil aza va ’afaniy”
“Mendan aziyatlarni ketkazib, ofiyatda qilgan Allohga hamd bo‘lsin”.
Davron NURMUHAMMAD
Ilmiy-amaliy anjuman doirasida bir guruh ustoz va xodimlar munosib taqdirlandi
O‘zbekiston musulmonlari idorasi tomonidan tashkil etilgan «Zamonaviy diniy ta’lim: pedagogika, ilm-ma’rifat va innovatsiya» mavzusidagi I ilmiy-amaliy anjumani doirasida sohada alohida o‘rnak ko‘rsatgan ustozlarni taqdirlash marosimi bo‘lib o‘tdi.
Anjumanda Davlatimiz Rahbari tashabbuslari bilan har jabhada amalga oshirilayotgan islohotlar qatorida ilm-fanni taraqqiy ettirish, ajdodlar merosini o‘rganish, diniy ta’limni rivojlantirish va sohaga ko‘rsatilayotgan yuksak e’tibordan mamnunlik kayfiyati hukm surdi.
Diniy idora tasarrufidagi oliy va o‘rta maxsus diniy ta’lim muassasalarida samarali faoliyat yuritib, yoshlarga ta’lim-tarbiya berish, soha rivojiga munosib hissa qo‘shish hamda dinimizning sofligini asrash yo‘lida fidokorona mehnat qilayotgan bir guruh pedagog va mudarrislar mehnati munosib e’tirof etildi.
Tadbir davomida sohadagi fidokorona va samarali mehnatlari uchun quyidagi ustoz va pedagoglar Faxriy yorliq hamda Umra yo‘llanmalari bilan mukofotlandi:
- Rahmatulla Umarov — Sayyid Muhyiddin maxdum o‘rta maxsus islom ta’lim muassasasi o‘qituvchisi.
- Maxtumquli Toshqulov — Xoja Buxoriy o‘rta maxsus islom ta’lim muassasasi o‘qituvchisi.
- Azimxon Abdullayev — Hidoya o‘rta maxsus islom ta’lim muassasasi o‘qituvchisi.
- Abdulbosit Rahimov — Mir Arab o‘rta maxsus islom ta’lim muassasasi o‘qituvchisi.
Shuningdek, anjuman doirasida diniy ta’lim tizimida namunali rahbarlik qilgan, fidokorona pedagogik va ilmiy-faoliyat olib borgan,ta’lim muassasalarining moddiy-texnik bazasini mustahkamlash, to‘garaklarni samarali tashkil etishdagi alohida xizmatlari uchun yana 15 nafar rahbar va o‘qituvchilar O‘zbekiston musulmonlari idorasining Faxriy yorliqlari hamda esdalik sovg‘alari — televizor, noutbuk va planshetlar bilan taqdirlandi.
O‘zbekiston musulmonlari idorasi jamoasi taqdirlangan barcha ustoz va xodimlarni ushbu yuksak e’tirof bilan samimiy muborakbod etib, ularning kelgusi ilmiy va pedagogik faoliyatlarida ulkan zafarlar tilaydi.
O‘zbekiston musulmonlari idorasi Matbuot xizmati
