Sayt test holatida ishlamoqda!
15 Iyul, 2025   |   20 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:22
Quyosh
05:03
Peshin
12:34
Asr
17:40
Shom
19:59
Xufton
21:32
Bismillah
15 Iyul, 2025, 20 Muharram, 1447
Avvalgi sayt
#search
 YouTube

Namoz saboqlari: Tahoratning farzlari, sunnatlari va uni buzadigan hollar (Audio)

02.11.2019   9248   1 min.
Namoz saboqlari: Tahoratning farzlari, sunnatlari va uni buzadigan hollar (Audio)

 TAHORATNING FARZLARI

 

  1. Yuzni peshonaning sochlar chiqqan joyi­dan iyak ostigacha va ikki quloq orasidagi qismini yuvish.
  2. Qo‘llarni tirsaklari bilan birga qo‘shib yuvish.
  3. Boshning to‘rtdan biriga mas'h tortish.
  4. Oyoqlarni to‘piqlari bilan qo‘shib yuvish.

 

TAHORATNING SUNNATLARI

 

  1. Misvok ishlatish. Og‘izni yuvganda mis­vok ishlatish sunnatdir.
  2. Avval qo‘llarni uch marta yuvish.
  3. Og‘izni va burunni chayish.
  4. Soqol orasini, qo‘l hamda oyoq barmoqlari orasini xilol qilish.
  5. Avval o‘ng, keyin esa chap taraf a’zolarini yuvish.
  6. Yuz, qo‘l va oyoqni uch martadan yuvish.

Tahoratdan so‘ng:

“Ashhadu alla ilaha illallohu vahdahu la sharika lah va ashhadu anna Muhammadan ’abduhu va rosuluh” deb aytish.

Ma’nosi: “Allohdan boshqa ibodat qilishga haqli iloh yo‘q. Muhammad (sollallohu alayhi va sallam) Uning bandasi va elchisi ekaniga iqrorman”.

“Allohummaj’alniy minat-tavvabiyna vaj’alniy minal mutatohhiriyn”.

Ma’nosi: “Yo Alloh, meni tavba qiluvchi va poklanuvchi bandalaringdan qil”.

 

 

TAHORATNI BUZADIGAN HOLLAR

 

  1. Badanning biror joyidan qon yo yiring chiqib, chiqqan joyi atrofiga yoyilishi;
  2. Og‘iz to‘lib qusish;
  3. Ikki yo‘ldan yel yo biror narsa chiqishi;
  4. Milk qonaganda tupuk rangi qizil bo‘lishi;
  5. Hushdan ketish;
  6. Namoz o‘qiyotib yonidagi odam eshitadigan darajada kulish;
  7. Yotib, yonboshlab va ortni yerga tekkizmay suyanib uxlash.

 

Audio
Boshqa maqolalar
Yangiliklar

AQSHning Atlanta shahrida ilk halol taomlar festivali o‘tkaziladi

14.07.2025   1750   1 min.
AQSHning Atlanta shahrida ilk halol taomlar festivali o‘tkaziladi

2025 yil 19 iyul shanba kuni AQSHning Jorjiya shtati poytaxti — Atlanta shahrida ilk bor halol taomlar festivali bo‘lib o‘tadi. Mashhur “Atlantic Station” maydonida tashkil etiladigan festivalda 50 dan ortiq halol taom mahsulotlari sotuvchisi ishtirok etishi kutilmoqda.


Festival ishtirokchilari tomonidan Yaman, Yaqin Sharq, Janubiy Osiyo, hatto O‘zbekiston oshxonalariga xos kabob, burger, dukkaklik mahsulotlaridan tayyorlangan taomlar (falaful) va turli xil shirinliklar taklif etiladi.


Ushbu tadbir Atlanta musulmonlari festivallari uyushmasi tomonidan tashkillashtirilmoqda. Festival ayni paytda shahardagi AQSH bojxona va migratsiya siyosatiga qarshi norozilik namoyishlari orasida muhojirlar madaniyatini nishonlash imkonini ham yaratadi.


Festival tashabbuskorlaridan biri — Hasaneyn Lakhani bunday dedi:

 
“Atlanta shahrida ilk halol ovqat festivalini o‘tkazish — juda ham hayratlanarli va ajoyib fikrdir. Men bu shaharda doimiy istiqomat qiluvchi sifatida musulmon jamoasiga yaqinligimni har doim his qilganman. Ramazon ovqat festivallari kabi kichik tadbirlardan to oshxona va ko‘chmas mulk sohalaridagi faoliyatgacha ishtirok etib kelaman”.


Uning ta’kidlashicha, festival – musulmonlar va musulmon bo‘lmaganlar uchun bir joyda to‘planib, shaharning madaniy xilma-xilligini nishonlash, shu bilan birga musulmonlar turmush tarzi va halol taomlar bilan tanishish imkonini beradi.

 
Lakhani Atlanta yaqinidagi Lorensvill shahrida joylashgan “BurgerFi” restorani sohibidir. U, shuningdek, ushbu restoran — Gruziya shtatidagi yagona halol sertifikatiga ega burger shohobchasidir.

Ilyosxon Ahmedov,
tayyorladi.

Dunyo yangiliklari
#logo