Nasroniyni musulmonga aylantirgan salom
Bu voqeani Mahmud As’ad Jo‘shon hazratlari o‘z asarlarida keltiradilar:
Germaniyadagi oyoq kiyim ishlab chiqaruvchi korxonada bir turk yigiti ishlar edi. Haj mavsumi yaqinlashganida yigit korxona xo‘jayiniga anchadan beri niyat qilgani - hajni ado etish istagi borligini aytib, ruxsat so‘radi. Korxona xo‘jayini Xans nasroniy edi. Xizmatchisining so‘zlarini eshitib:
- Bilasan, hozir mahsulotimiz realizatsiyasining ayni mavsumi. Mavsum tugasin, boraverasan. Ka’ba ketib qolmaydiku?!
Xizmatchi yigit haj faqat belgilangan kunlardagina ado etilishini, boshqa paytlardagi ibodat haj bo‘lmasligini bir amallab tushuntirgach, xo‘jayini:
- Mayli faqat bir shart bilan ruxsat beraman. Payg‘ambaringizning qabri oldiga borganda mening ham salomimni yetkazasan, dedi.
Xodim xursand bo‘lib muborak safarga otlandiyu, faqat musulmon bo‘lmagan raxbarining salomini Rasululloh solallohu alayhi vasallamga qanday yetkazishini o‘ylab qoldi. Madinai munavvaraga yetib kelib, Ravzai muborakka kirdi. Sarvari olam solallohu alayhi vasallamga salovotlar aytib, salom berdi. So‘ngra omonat qoldirgan yaqinlarining salomlarini birma-bir yo‘lladi. Yakunda g‘ayridin rahbarining salomini eslab, og‘ir ahvolda qoldi: “Rasulullohga qanday yetkazaman, axir u musulmon bo‘lmasa....” Ming istihola ichra hujrai saodatga boqib, aybdorlardek shivirladi: “Yo Rasululloh! Sizga bir Xans ismli kishi ham salom yo‘lladi. Faqat u musulmon emas, nasroniy bir kishi...”
So‘ngra ibodatlarga kirishib, hajni ado etdi. Istanbul orqali Germaniyaga qaytarkan, hamkasblarini uchratib qoldi.
-Yangilikni eshitdingmi? deya so‘rashdi undan.
-Yo‘q. Qanday yangilik?
- Xans musulmon bo‘ldi....
Yigit dong qotib qoldi. Islomga kirgan vaqtini so‘rab surishtirsa ayni salomini Faxri koinot alayhissalomga yetkazgan kuni edi.
Subhanalloh. Bir g‘ayridin kishining Rasulullohga ehtiromi sabab Alloh uni hidoyat bilan, dunyodagi eng ulug‘ ne’mat - iymon ne’mati bilan mukofotlab qo‘ysa....
Rasululloh solallohu alayhi vasallamning shafoatlari
ikki dunyoda ham vojib bo‘lishining misolidir bu!
Toshkent shahar “To‘xtaboy” masjidi imom-xatibi
Zokirjon domla Sharifovning juma ma’ruzasidan
01.11.2019
“Uthaym” gazetasi: Madaniy merosni asrash Yangi O‘zbekiston taraqqiyotining muhim yo‘nalishiga aylangan
Shri-Lankaning “Uthaym” nashrida O‘zbekistonning boy tarixiy-madaniy merosi, uni asrab-avaylash va kelajak avlodlarga bezavol yetkazish borasida amalga oshirilayotgan ishlarga bag‘ishlangan maqola e’lon qilindi, deb xabar bermoqda “Dunyo” AA.
Materialda Yangi O‘zbekistonda milliy qadriyatlarni tiklash, madaniy meros obyektlarini muhofaza qilish, ilm-fan va ma’rifatni rivojlantirishga qaratilgan islohotlar yuksak baholangan.
Ta’kidlanganidek, so‘nggi yillarda O‘zbekistonda ma’naviy-ma’rifiy sohani tubdan takomillashtirish, xalqning ko‘p asrlik boy ilmiy-madaniy merosini o‘rganish hamda uni jahon hamjamiyatiga keng targ‘ib etish davlat siyosatining ustuvor yo‘nalishlaridan biriga aylandi.
Mamlakatda tarixiy obidalarni restavratsiya qilish, muzeylar va arxivlar faoliyatini modernizatsiya qilish, qo‘lyozmalarni asrab-avaylash va raqamlashtirish, milliy madaniy merosni xalqaro miqyosda targ‘ib qilishga qaratilgan tizimli ishlar amalga oshirilayotgani qayd etilgan.
Maqolada Prezident Shavkat Mirziyoyev tashabbusi bilan ilgari surilgan Uchinchi Renessans g‘oyasi mamlakat taraqqiyotining muhim strategik yo‘nalishi sifatida alohida e’tirof etilgan. Muallif fikricha, mazkur g‘oya nafaqat tarixiy merosni asrab-avaylash, balki ilm-fan, ta’lim, madaniyat va innovatsiyalarni uyg‘un rivojlantirish orqali mamlakatning intellektual va ma’naviy salohiyatini yuksaltirishga xizmat qilmoqda.
Uchinchi Renessans konsepsiyasi O‘zbekistonning buyuk ilmiy an’analarini qayta tiklash, yosh avlodni bilimli va vatanparvar etib tarbiyalash hamda mamlakatning xalqaro nufuzini yanada mustahkamlashga qaratilgan umummilliy dastur sifatida baholanmoqda.
Gazetaning yozishicha, O‘zbekistonda kechayotgan o‘zgarishlar faqat madaniy sohadagi islohotlar bilan cheklanmaydi. Ular mamlakatning ilmiy, ma’naviy va intellektual taraqqiyotini ta’minlashga qaratilgan uzoq muddatli strategiyaning ajralmas qismi hisoblanadi. Ilmiy muassasalar faoliyatini qo‘llab-quvvatlash, tarixiy manbalarni tadqiq etish, madaniy merosni muhofaza qilish va zamonaviy ta’lim tizimini rivojlantirish kabi yo‘nalishlar yagona maqsad — Yangi O‘zbekistonning mustahkam ma’naviy poydevorini yaratishga xizmat qilayotgani alohida qayd etilgan.
Maqolada Toshkent shahrida barpo etilgan O‘zbekiston Islom sivilizatsiyasi markazi faoliyatiga keng o‘rin ajratilgan.
Prezident Shavkat Mirziyoyev tashabbusi va g‘oyasi asosida barpo etilgan mazkur betakror majmua O‘zbekistonning madaniy va ilmiy siyosatidagi eng muhim istiqbolli loyihalardan biri bo‘ldi. Markazda VII asrga oid noyob Usmon Mus'hafi saqlanayotgani uning tarixiy ahamiyatini yanada oshiradi.
Shu bilan birga, bu yerda qo‘lyozmalarni ilmiy o‘rganish, restavratsiya qilish, arxiv materiallarini tizimlashtirish va zamonaviy texnologiyalar asosida raqamlashtirish uchun barcha zarur sharoitlar yaratilgan.
Gazetada O‘zbekistonning YUNЕSKO va boshqa xalqaro tashkilotlar bilan madaniy merosni muhofaza qilish sohasidagi hamkorligi, tarixiy obidalarni asrab-avaylash, ularni xalqaro turizm va ilmiy tadqiqotlar bilan uyg‘un rivojlantirishga qaratilgan sa’y-harakatlari haqida so‘z yuritilgan.
O‘zbekiston musulmonlari idorasi Matbuot xizmati
- «
- »