Imomlik – sharaf, mas'uliyat, shu bilan birga, Payg'ambarimiz sollallohu alayhi va salamning muborak kasblaridir. Shu bois imom har doim ma'rifatli, o'z ustida tinimsiz ishlashi, sohaga doir yangiliklardan doimo xabardor bo'lishi kerak. Bunday darajaraga erishish uchun esa O'zbekiston musulmonlari idorasi tizimida faoliyat yuritayotgan imom-xatiblar o'rtasida an'anaviy tarzda o'tkazib kelinayotgan “Yil imomi” ko'rik-tanlovi muhim o'rin tutadi.

Tanlovning shahar-tuman bosqichlarida g'oliblikni qo'lga kiritgan 22 nafar imom-domla viloyat bosqichida qatnashdi.

Qur'oni karim tilovati bilan boshlangan tadbirni Toshkent viloyati bosh imom-xatibi Jasurbek domla Raupov ochib berdi.

Ishtirokchilarning chiqishlari hakamlar hay'ati tomonidan baholanib borildi. Yakuniy natijalarga ko'ra quyidagilar «Yil imom–2023» tanlovining Toshkent viloyati bosqichi g'olibi deb topildi:

I o'rin: Doniyor domla Ikromov, Toshkent tumani "Ayri ota" jome masjidi imom-xatibi;

II o'rin: Farrux domla Sultonov, Zangiota tumani "Mir Abdulloh eshon" jome masjidi imom-xatibi;

III o'rin: Ergashboy domla Hamidov, Bekobod shahar "Oq masjid" jome masjidi imom-xatibi.

Tadbir so'ngida g'oliblar O'MI viloyat vakilligi tomonidan diplom va esdalik sovg'alari bilan taqdirlandi.

«Yil imomi–2023» ko'rik-tanlovi viloyat bosqichida birinchi o'rinni egallagan Doniyor domla Ikromov tanlovning respublika bosqichida qatnashadi.

Toshkent viloyati vakilligi Matbuot xizmati