“Hilol” nashriyotida Shayx Muhammad Sodiq Muhammad Yusuf hazratlari qalamiga mansub besh jildlik “Xislatli hikmatlar sharhi” kitobi chop etildi.
Ushbu to‘plamdan shayx Ibn Atoulloh Sakandariyning “Hikamul-Atoiyya” kitobining tarjimasi va batafsil sharhlar o‘rin olgan. Unda ruhiy tarbiyaga oid asarlarni o‘rganishga oid mulohazalar, qalb ko‘zi berkligining dalili, aldamchi dunyoga nafs yoki qalb nazari kabi ko‘plab masalalarda mazmunli va xislatli hikmatlar keltirib o‘tilgan.
Orziqib kutilgan ushbu benazir to‘plam o‘ziga xos bejirim qutiga joylangan bo‘lib, zamonaviy ko‘rinishga ega. Uning kitobsevar muxlislarimiz qalbidan joy egallashiga ishonamiz.
O‘zbekiston musulmonlari idorasi Matbuot xizmati
Bugun O‘zbekiston musulmonlari idorasi Qur’oni karim va tajvidni o‘rgatish bo‘limi mudiri Shayx Alijon qori Fayzulloh Maxdum o‘g‘li hamda Toshkent viloyati bosh imom-xatibi Jasurbek domla Raupov Bekobod shahridagi Qur’on va tajvid markaziga tashrif buyurdilar.
Markaz ma’muriyati hamda u yerda ta’lim olayotgan tinglovchilar bilan bo‘lib o‘tgan suhbat har jihatdan samarali bo‘ldi. Xususan, uchrashuvda Shayx Alijon qori hafizahulloh Qur’oni karimni yodlash fazilatlari, bu borada yaratilgan shart-sharoitlarning qadriga yetish, shukrona keltirish, vaqtdan unumli foydalanish kabi mavzularda go‘zal mav’iza qilib berdilar.
Haqiqatan, Qur’oni karimni yodlash, oyatlar ma’no-mazmunlarini tafakkur va tadabbur qilish ibodat va chinakam saodatdir.
Usmon ibn Affon roziyallohu anhu rivoyat qilgan hadisda Nabiy sollallohu alayhi vasallam: "Sizlarning yaxshilaringiz Qur’oni karimni o‘rgangan va o‘rgatganlaringizdir", deb marhamat qilganlar (Imom Termiziy rivoyati).
Toshkent viloyati vakilligi
Matbuot xizmati