«Manchester Yunayted» futbol klubining sobiq sardori Patris Evra o‘zining intervyusida Islom dini haqidagi fikrlarini bildirib o‘tgan. Bu haqda thenews.com.pk xabar berdi.

Futbolchi dunyoda tinchlik va bag‘rikenglik dini bo‘lgan islom haqida gapirib, rasizm(irqchilik)ni qoraladi.

O‘zi nasroniy oilada ulg‘aygan bo‘lishiga qaramasdan, Islom dinining go‘zalligidan hayratlanishini bildirgan.

«Men uchun islom tinchlik dinidir. Mening otamga islomga bo‘lgan munosabatim ma’qul emas. To‘g‘ri u mening otam, biroq men o‘z fikrimda qolaman», – deya ma’lum qilgan.

Futbolchi futbol irqchilikni yo‘q qilishda ko‘mak berayotganidan judayam mamnun ekanini bildirgan. 2017 yilda Evra Qur’oni karimni o‘qishini va ma’nolarni tushunishi aytganida ko‘plab tanqidlarga uchragan edi.

Futbolchi "Men yana bir bor Islom tinchlik dini ekanini ta’kidlayman, u o‘zaro yordam berishni targ‘ib qiladi" deydi. "Alloh bizlarni begunoh insonlarni o‘ldirishimiz uchun yaratmagan", deydi sportchi.

O‘zbekiston musulmonlari idorasi Matbuot xizmati