O`zbekiston musulmonlari idorasi

Nishonga urilgan gaplar: “Uyqudan oldin Mulk surasini o‘qish sizni qabr azobidan qutulishingizga sabab bo‘ladi”

10.10.2019 3453 2 min.

Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.

Bilasizmi, azon bilan iqomat orasidagi duo ijobat qilinadi. Shuning uchun bu fursatni qo‘ldan boy bermay, duoni uzun qiling!

Bilasizmi, namozda gunohlaringiz boshingiz ustiga, keyin kuragingiz ustiga qo‘yiladi. Ko‘pgina gunohlaringiz to‘kilib ketishi uchun ruku’ va sajdani uzoqroq qiling!

Bilasizmi, agar har farz namozdan keyin Oyatul Kursiyni o‘qisangiz, siz bilan Jannat orasida faqat o‘lim bo‘ladi.

Bilasizmi, uyqudan oldin Mulk surasini o‘qish sizni qabr azobidan qutilishingizga sabab bo‘ladi.

Ey Alloh! Ushbu aytilganlarga ixlos bilan amal qilib borishimizni nasib etgin!

*****

Biz ko‘p odoblar qatori, janozada ishtirok etish, tobutni ko‘tarish odobini ham yaxshi o‘rganishimiz kerak.

*****

Donishmandlar sukut qilib turganda ahmoqlar ko‘payib ketadi.

“Tarix muhrlagan so‘zlar”

*****

“Jamiyat a’zolarining yarmi axloqsiz, yomon kimsalar” desangiz, hammaning g‘azabi keladi.

“Jamiyat a’zolarining yarmi axloqli, yaxshi odamlar” desangiz, hamma sizni maqtaydi.

Vaholanki, ikkala gap ma’nosi bir xil.

“Tarix muhrlagan so‘zlar”

*****

Lug‘aviy xatolarga e’tibor qaratib, mavzuning mohiyatini unutadiganlar “Men oyga ishora qilaman, ahmoq esa barmog‘imga qaraydi” degan maqolni yodimga soladi.

Tavfiq Hakim

*****

Agar bir shaxsga ishonch bildirib, u bilan ulfat bo‘lib yursang, oxirida ikki natijadan biriga erishasan:

Yo bir umrlik do‘stga erishasan.

Yo bir umrlik darsga erishasan.

Ibrohim Fiqiy

*****

Boylik - dengiz suviga o‘xshaydi. Undan ichganing sari tashnaliging oshib boraveradi. Bu qoidani mashhurlikka ham tatbiq etsa bo‘ladi.

“Tarix muxrlagan so‘zlar”

*****

Sharafli inson yuksalgani sari kamtar bo‘lib boradi.

Pastkash inson yuksalgani sari mutakabbir bo‘lib boradi.