Joriy yilning 28 noyabr-1 dekabr kunlari Turkiyaning Istanbul shahrida V Jahon halol sammiti bo‘lib o‘tadi. Bu haqda "Azon" internet nashri xabar berdi.

Mazkur tadbir «Discover Events» kompaniyasi tomonidan, Turkiya prezidenti shafeligida tashkil etilmoqda. Unda dunyoning 80 dan ortiq mamlakatlaridan kelgan ekspertlar va olimlar, davlat tashkilotlari va xususiy sektor vakillari qatnashadi. Sammitda mintaqaviy va xalqaro miqyosda strategik hamkorlik rivojlantirish, butun dunyoda tan olinadigan yagona halol standartini yaratish masalalari muhokama etiladi.

Bir paytning o‘zida halol mahsulotlar va xizmatlarni taqdim etuvchi kompaniyalar ishtirokida «Halal Expo 2019» ko‘rgazmasi ham bo‘lib o‘tadi.

O‘zbekiston musulmonlari idorasi Matbuot xizmati