Ibn Sinoni hamma joyda tabib, faylasuf sifatida tanishtiriladi va shunday taniladi. Ammo negadir olimning Qur’oni Karimni yoshligidayoq yod olgani, Qur’oni Karimga tafsir yozgani gapirilmaydi.

*****

Beruniyni astronom, fizik, geolog, faylasuf, tarixchi, geograf deya tanishtiriladi. Ammo olim shariat ilmlarining bilimdoni bo‘lganini, hatto meros ilmini yaxshi bilganini, merosga oid birgina masalani bilishga ulgurmagani sababli o‘sha masalani vafoti oldidan bilib, keyin vafot etganini gapirilmaydi.

*****

Abdulloh ibn Muborak zohid, taqvoli, odobi yuksak zot edilar. Bir kuni oldilarida turgan kishi aksirib yuboradi-da, alhamdulillah demaydi. Shunda Imom undan “Aksirgan kishi nima der edi?” deb so‘raydilar. U odam “Alhamdulillah” deganda, u zot “Yarhamukalloh” deb aytadilar.

Internet ma’lumotlari asosida Nozimjon Hoshimjon tayyorladi