Sayt test holatida ishlamoqda!
21 Iyun, 2025   |   25 Zulhijja, 1446
search icon
Avvalgi sayt
ЎЗ РУ EN AR

Toshkent shahri
Tong
03:04
Quyosh
04:50
Peshin
12:30
Asr
17:40
Shom
20:03
Xufton
21:42
Bismillah
21 Iyun, 2025, 25 Zulhijja, 1446
Avvalgi sayt
#search
 YouTube

“Ma’rifat va diniy bag‘rikenglik” rezolyutsiyasi – tarbiya manbai

19.09.2019   4489   1 min.
“Ma’rifat va diniy bag‘rikenglik” rezolyutsiyasi – tarbiya manbai

2018 yilning 12 dekabr kuni BMT Bosh Assambleyasining yalpi sessiyasida prezidentimiz Shavkat Mirziyoyev tomonidan ilgari surilgan tashabbus -“Ma’rifat va diniy bag‘rikenglik“ deb nomlangan maxsus rezolyutsiya qabul qilingan edi. Loyihasi O‘zbekiston tomonidan ishlab chiqilgan hujjat BMTga a’zo barcha davlatlar tomonidan bir ovozdan qo‘llab-quvvatlangan.

 

 

Davlatimiz rahbarining BMT minbaridagi nutqida O‘zbekiston tomonidan taklif etilgan rezolyutsiyaning asosiy maqsadi “barchaning ta’lim olish huquqini ta’minlashga, savodsizlik va jaholatga barham berishga ko‘maklashishdan iborat“ ekanini qayd etgan edi. Hujjat “bag‘rikenglik va o‘zaro hurmatni qaror toptirish, diniy erkinlikni ta’minlash, e’tiqod qiluvchilarning huquqini himoya qilish, ularning kamsitilishiga yo‘l qo‘ymaslikka ko‘maklashish“ga qaratilgan.

Bugungi kunda ta’lim muassasalarida tizimli ravishda o‘tkazilayotgan “Jaholatga qarshi ma’rifat bilan” shiori ostidagi tadbirlar ana shu xalqaro dastur mazmun-mohiyatini yetkazishga qaratilgan. Bunda diniy soxa xodimlari, xususan imom-xatiblar faol ishtirok etmoqda.  

 

 

Qashqadaryo viloyatida ham ushbu yo‘nalishdagi uchrashuvlarda imom-xatiblar ma’rifiy islomni yetkazmoqdalar. Dinimiz avvalo ilm dini ekanligi, musulmon kishi yaxshi ishlarda musobaqalashishi, o‘zga din vakillariga hurmatda bo‘lish ota-ona, ustozga ehtirom, kiyinish madaniyati va boshqa mavzulardama’ruza qilmoqdalar.

Suhbatlar yosh avlod vakillari uchun ancha manfaatli bo‘lib, islomni, undagi ikki dunyo baxt-saodatiga erishtiruvchi go‘zal hayot yo‘lini o‘rganmoqdalar.

 

O‘zbekiston musulmonlari idorasi Masjidlar bo‘limi

O'zbekiston yangiliklari
Boshqa maqolalar

Xatolarni necha marotaba avf qilay?

18.06.2025   4565   1 min.
Xatolarni necha marotaba avf qilay?

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.


Bandadan xato sodir bo‘lmasligi mumkin emas, balki sodir bo‘lgan xatolarni tuzatishga intilish — ana shu bandalik xususiyatidir. Odam bolasidan xato sodir bo‘lishi oddiy hol. Xatolarni afv etish esa hamma ham qila olmaydigan, oxiratda sharaf bo‘ladigan xislatdir.

Yevropalik bir faylasuf: «Olovni haddan ziyod yoqib yuborma, dushmandan oldin o‘zingni kuydirib qo‘ymasin», deydi.

Bir odam hazrati Abu Bakr roziyallohu anhuga: «Men seni shunday haqorat qilamanki, u sen bilan birga qabringgacha boradi», dedi. Abu Bakr roziyallohu anhu: «Sening haqorating qabrgacha men bilan emas, balki o‘zing bilan birga boradi», dedilar.

Xullas, Abu Bakr Siddiq roziyallohu anhu uning axloqsizligiga e’tibor ham bermadilar.

Qur’oni Karim johil kishilardan yuz o‘girib o‘tib ketishni va behuda ishlardan batamom saqlanishni ta’lim bergan va ta’kidlagan.

Abdulloh ibn Umar roziyallohu anhumodan rivoyat qilinadi:

«Bir kishi Rasululloh sollallohu alayhi vasallamning huzurlariga kelib: «Yo Allohning Rasuli! Xizmatkorimning xatolarini necha marotaba avf qilayin?» deb so‘radi. Rasululloh sollallohu alayhi vasallam unga javob qilmay jim turdilar. U yana qayta so‘radi. Shunda Rasululloh sollallohu alayhi vasallam: «Har kuni yetmish marotaba» dedilar.

Imom Termiziy rivoyati.

Hadisdan olinadigan foyda shuki, xatolarni avf qilishning haddi belgilangan emas. Agar xodim har kuni yetmish marotaba xato qilsa ham, uni kechirish go‘zal xulq va rahm-shafqatning talabidir.

«Nasihatlar guldastasi» kitobidan