O‘zbekistonda shajara dasturi yaratiladi. Bu haqda 2019-2021 yillarda notariat institutini yanada takomillashtirish bo‘yicha “Yo‘l xaritasi”da aytilgan.

Qayd etilishicha, ushbu dasturga mavjud fuqarolik holati dalolatnomalari bo‘yicha ma’lumotlar to‘liq kiritiladi hamda “Notarius” avtomatlashtirilgan axborot tizimi bilan integratsiya qilinishi ta’minlanadi. Bunda “FHDYO yagona elektron arxivi” axborot tizimini takomillashtirish bo‘yicha tegishli chora-tadbirlar ishlab chiqiladi.

Bu boradagi tegishli kompleks chora-tadbirlar rejasi 2021 yil dekabr oyigacha ishlab chiqiladi. Ijro etilishiga mas’ul - Adliya vazirligi.

Shuningdek, aeroportlar va temir yo‘l vokzallarida ayrim turdagi notarial harakatlarni onlayn amalga oshirish imkonini beruvchi infokioskalar joylashtiriladi.

2021 yil yanvar oyigacha Adliya vazirligi, Transport vazirligi, “Uzbekistan Airoport" AJ, “O‘zbekiston temir yo‘llari” AJ, Loyiha boshqaruvi milliy agentligi tegishli kompleks chora-tadbirlar ishlab chiqadi.

O‘zbekiston musulmonlari idorasi Matbuot xizmati