Sayt test holatida ishlamoqda!
08 Yanvar, 2025   |   8 Rajab, 1446

Toshkent shahri
Tong
06:24
Quyosh
07:49
Peshin
12:35
Asr
15:30
Shom
17:14
Xufton
18:33
Bismillah
08 Yanvar, 2025, 8 Rajab, 1446

Faxriy imomga akademik unvoni berildi

21.08.2023   765   1 min.
Faxriy imomga akademik unvoni berildi

Shu yil 11 avgust kuni Vatanimiz mustaqilligining o'ttiz ikki yillik bayrami oldidan ko'p yillar diniy sohada fidoyilik bilan xizmat qilgan, faxriy imom, ustoz Ahmadjon domla Bobomurodzodaga Respublikamizdagi Turon Fanlar akademiyasi akademigi ilmiy unvoni taqdim etildi.

Nufuzli unvonni topshirish marosimida mutasaddi vakillar Ahmadjon domla Bobomurodzodaga Turon Fanlar akademiyasi akademigi oltin medali, akademik diplomi va guvohnomasi, shuningdek, Turon Fanlar akademiyasining o'n yilligi ko'krak-nishonini tantanali tarzda topshirishdi.

Ma'lumot o'rnida, Ahmadjon domla Bobomurodzoda 1946 yili Samarqand shahrida tavallud topgan. U kishi 1971 yil Buxorodagi Mir Arab madrasasini, 1975 yili Imom Buxoriy nomidagi Toshkent islom institutini tomomlagan.

Ahmadjon domla ilk faoliyatni 1973 yili poytaxtimizning Shayxontohur tumanidagi “Olmazor” jome masjidida imom-xatib sifatida boshlagan. 1974-1980 yillarda Toshkent viloyatining Toshkent tumani “Ko'kterak” jome masjidida, 1980-2006 yillarda Toshkent shahridagi “Islom ota” jome masjidida samarali mehnat qilgan. Bir vaqtning o'zida 1982-2006 yillar davomida Toshkent shahar Yashnabod va Mirobod tumanlari bosh imom-xatibi vazifasini ham bajarib kelgan.

Shuningdek, 1989-2020 yillarda Imom Buxoriy nomidagi Toshkent islom institutida katta o'qituvchi bo'lib, ko'plab shogirdlarni etishtirgan.

Eslatib o'tamiz, Turon Fanlar akademiyasi akademigi unvoni Shayx Abdulaziz Mansur, Muhammadolim domla Muhammadsiddiqov, Sayyid Rahmatulloh Termiziy singari bugungi kunda diniy sohada faoliyat yuritib kelayotgan ulamolarimizga ham taqdim etilgan.

O'zbekiston musulmonlari idorasi
Matbuot xizmati

O'zbekiston yangiliklari
Boshqa maqolalar

O‘tayotgan har kuningga shukr qil

6.01.2025   1669   1 min.
O‘tayotgan har kuningga shukr qil

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Ajoyib bir ramziy qissa bor. Bir kishi xotini bilan tovuq yeb o‘tirgan edi, eshik taqillab qoldi. Xotini borib qarasa, tilanchi ekan. Xotin tilanchiga yeb turgan ovqatidan berishni xohlagan edi, eri jerkib tashlab: «Tilanchini eshik oldidan haydab yubor», dedi. Xotin uni haydab yubordi. Keyinchalik er-xotin orasiga sovuqlik tushib, er xotinini taloq qildi. So‘ngra boshqa bir kishi kelib, sovchi qo‘ydi va o‘sha xotinga uylandi. Kunlarning birida xotin keyingi eri bilan tovuq yeb o‘tirgan edi, eshik taqillab qoldi. Xotin eshikni ochish uchun borsa, tilanchi ekan. Xotin tilanchini ko‘rgach, qiyin ahvolga tushib qoldi. Eri: «Eshikni taqillatgan kim ekan?» desa, xotin: «Avvalgi erim» dedi. Shunda keyingi eri: «Bir necha yil avvalgi eshiging tagiga kelgan tilanchi ham men edim», dedi.

Al-Jabbor sifatiga ega Alloh bandasini O‘zi iroda qilgan narsasiga yo‘llaydi. Bir banda u narsani xohlasa ham, boshqasi bu narsani xohlasa ham, Alloh xohlaganini amalga oshiradi. Shunday bo‘lgach, har bir o‘tayotgan kuningga shukr qil.

Anvar Tursunov