Sayt test holatida ishlamoqda!
15 Yanvar, 2025   |   15 Rajab, 1446

Toshkent shahri
Tong
06:23
Quyosh
07:47
Peshin
12:37
Asr
15:37
Shom
17:22
Xufton
18:40
Bismillah
15 Yanvar, 2025, 15 Rajab, 1446

Nega zebralarni yo‘l-yo‘l chizig‘i bor?

19.08.2019   4412   2 min.
Nega zebralarni yo‘l-yo‘l chizig‘i bor?

Olimlar bu haqda uzoq vaqtlardan beri bosh qotirishadi. Bugungacha tadqiqotchilar tomonidan zebralarning yo‘l-yo‘l chizig‘i yirtqichlardan asraydi, issiqda sovutadi va sovuqda isitadi degan fikrlar ham berilgan.

Biroq, bu fikrlar ham aniq dalillarga asoslanmagan. Faqat, yaqindagina zoologlar, so‘ngi izlanishlar natijasida zebralarning oq-qora chizig‘i qanday vazifani bajarishi haqida umumiy xulosaga kelishdi.

Ma’lum bo‘lishicha ushbu Afrika yovvoyi otlarida zaharli hashoratlar, ayniqsa setse pashshasiga nisbatan himoya qatlami va tripanosomalarga qarshi immun tizimi mavjud emas ekan. Bu esa agar zebralarni kasallik tarqatuvchi zararli hasharotlar yoki setse pashshasi chaqsa, qisqa muddat ichida to‘da, kasallik tufayli qirilib ketardi degani.

Mehribon va Rahmli bo‘lgan Zot Alloh taolo ushbu nochor jonivorni ham O‘z rahmatidan xoli qoldirmadi. Zebralarni, turli  zararli, shilqim, o‘limga olib boruvchi kasalliklar tarqatadigan hashoratlardan saqlanish uchun YO‘L-YO‘L, oq-qora chiziqli tus bilan himoyalab qo‘ydi. Qanday deysizmi? Olimlarning ta’kidlashlaricha setse pashshasi va boshqa hashoratlar yo‘l-yo‘l chiziqlar yonida yo‘lini yo‘qotib yiqilar yoki noto‘g‘ri qo‘nishga uchrab, halok bo‘lar ekan. Shu sabab ular zebralarga mutlaqo yaqinlashmas ekan.  

Allohga hamdlar bo‘lsinki, O‘zi yaratgan jonli va jonsizlarning barchasida olam-olam hikmatlarni mujassam etdi.

Alloh taolo O‘zining barcha maxluqlarini yashash sharoiti va turmush tarzigacha o‘zaro mutanosib holda yaratgan.

“Yaratgan zot O‘zi bilmasmidi? Va U daqiqlargacha biluvchi va xabardor zotdir”. Mulk surasi, 14-oyat

Ma’lumot uchun: Setse pashshasi (Glossina) – tropik va subtropik Afrikaning nam o‘rmonlarida tarqalgan. Bir qancha turlari og‘ir kasallik qo‘zg‘atuvchi tripanosomalarni yuqtiradi (kasallikdan har yili minglab kishilar halok bo‘ladi). Setse pashshasiga qarshi har xil pestitsidlar yordamida olib borilgan kurash choralari unchalik samara bermadi, lekin flora va faunaga katta ziyon yetkazdi.

Ongsiz, zabonsiz bir, yovvoyi maxluqniki shuncha hikmat ila, zararlardan himoya qilib qo‘ygan Zot, O‘ziga xalifa o‘laroq yaratgan biz bandalarni ham barcha xavf-hatarlardan asrab, avaylaydi. Faqatgina, Uning roziligi va muhabbatini istab yashasak bo‘lgani.

                                                                                    

 Saidabror Umarov

 

 

Maqolalar
Boshqa maqolalar
Yangiliklar

Rahbar va yoshlar muloqoti manfaatli bo‘ldi

13.01.2025   7932   1 min.
Rahbar va yoshlar muloqoti manfaatli bo‘ldi

O‘zbekiston musulmonlari idorasi raisi o‘rinbosari Zayniddin Eshonqulov Toshkent islom instituti talaba- yoshlari bilan muloqot o‘tkazdi. Uchrashuvni institut rektori Uyg‘un G‘afurov ochib, mazkur tadbirning ahamiyati haqida so‘z yuritdi.


Bu kabi muloqotlar barcha diniy ta’lim muassalarida tashkil etilib, O‘zbekiston musulmonlari idorasi raisi, muftiy Shayx Nuriddin Xoliqnazar hazratlari raisligida o‘tgan Ulamolar Kengashining kengaytirilgan yig‘ilishida belgilangan vazifalar ijrosini ta’minlashga qaratilgani ta’kidlab o‘tildi.


Tadbirda Zayniddin Eshonqulov yoshlarga o‘zining hayotiy, ilmiy va kasbiy tajribalarini so‘zlab berdi. Ma’ruzada Diniy idora tizimidagi tashkilotlar va ta’lim muassasalarida amalga oshirilayotgan islohotlar, faoliyat yo‘nalishlari va kelgusidagi rejalar haqida ma’lumot berdi.


Zayniddin domla diniy-ma’rifiy faoliyatda ilm va ma’rifatning o‘rni, kadrlarning vatanparvarlik va axloqiy tarbiyasi va turli yot g‘oyalardan ma’naviy immunitetning shakllangani haqida o‘z fikr va tavsiyalarini bildirdi. 


Notiq o‘z so‘zi davomida talaba-yoshlarni sabr-toqat va qat’iy intizom bilan ilm olishga da’vat etdi. Shuningdek, ixlosli bo‘lish va ustozlarni ehtirom qilish muvaffaqiyat kaliti ekanini ta’kidladi.


Yetuk imom-xatib bo‘lish uchun doimiy ravishda o‘zi ustida ishlash hamda bilim va tajribalarini oshirib borishi lozimligi haqida qimmatli maslahatlar berdi.


Ana shunday tadbirlar yoshlarning ilm olishi va kelgusidagi kasbiy faoliyatini muvaffaqiyatli amalga oshirishiga xizmat qiladi, rahbar xodimlar esa ular uchun hayotiy namuna bo‘ladi, inshoalloh.

O‘zbekiston musulmonlari idorasi
Matbuot xizmati

 

Rahbar va yoshlar muloqoti manfaatli bo‘ldi Rahbar va yoshlar muloqoti manfaatli bo‘ldi Rahbar va yoshlar muloqoti manfaatli bo‘ldi
O'zbekiston yangiliklari