Sayt test holatida ishlamoqda!
07 Yanvar, 2025   |   7 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:49
Peshin
12:34
Asr
15:29
Shom
17:13
Xufton
18:32
Bismillah
07 Yanvar, 2025, 7 Rajab, 1446
Avvalgi sayt
#search
 YouTube

"O‘zstandart" bergan "Halol" sertifikat 38 mamlakatda amal qiladi

17.08.2019   3323   2 min.

Yurtimizda yetishtirilgan qishloq xo‘jaligi mahsulotlari xorij bozorlariga yetkazib berilmoqda. Bularning barchasi qo‘shimcha sifat sertifikatlarini olish zaruratini yuzaga keltirmoqda.

O‘zbekiston qishloq xo‘jaligi mahsulotlarini olib kirish ruxsat berilgan mamlakatlar geografiyasini kengaytirish maqsadida “O‘zstandart” agentligi huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti “halol” standarti talablariga mos yangi sertifikatni ishlab chiqdi.

Institutning sertifikatlash bo‘limi boshlig‘i S.Saidovning aytishicha, yangi sertifikat “halol” standartlariga amal qilinadigan musulmon davlatlari bilan savdo-sotiq aloqalarini rivojlantirishga xizmat qiladi. Bundan tashqari, mazkur standartlarni joriy etish O‘zbekistonga sayohat qilayotgan ziyoratchilarga professional xizmatlar ko‘rsatish imkonini beradi. Shu bois “O‘zstandart” agentligi tomonidan Standartlashtirish, sertifikatlashtirish va texnik jihatdan tartibga solish ilmiy-tadqiqot instituti huzurida qishloq xo‘jaligi va oziq-ovqat mahsulotlari, mehmonxona xizmatlarini sertifikatlash bilan shug‘ullanadigan yangi organ tashkil etildi.

“O‘zstandart” agentligi “halol” sertifikatini olish uchun arizalarni qabul qilishni boshladi. Ariza topshirish uchun Standartlashtirish, sertifikatlashtirish va texnik jihatdan tartibga solish ilmiy-tadqiqot institutiga murojaat qilib, barcha zarur hujjatlarni taqdim etish joiz. Ushbu hujjatlar asosida sertifikatlash haqida qaror qabul qilinadi. Keyinchalik korxonaga bir guruh auditorlar yuboriladi. Ular ishlab chiqarishning standart talablariga muvofiqligi bo‘yicha tekshiruv o‘tkazadi. Auditorlar hisoboti sertifikat olishda hal qiluvchi rol o‘ynaydi.

Ushbu sertifikatni olish istagidagi tadbirkorlar faqat halol mahsulot ishlab chiqarishi yoki uni ishlab chiqarish liniyasidan to‘liq ajratishi kerak.

“Halol” standarti talabiga mos sertifikat bir yil muddatga beriladi va bu vaqt davomida korxonada muntazam ravishda tekshiruvlar amalga oshirib turiladi.

Ta’kidlash joizki, 2018 yilning noyabr oyida “O‘zstandart” agentligi Islom mamlakatlari standartlari va metrologiya institutiga a’zo bo‘lgan. Shu bois yangi standart ushbu institutga a’zo bo‘lgan 38 mamlakatning barchasida amal qiladi.

O‘zbekiston musulmonlari idorasi Matbuot xizmati

Maqolalar
Boshqa maqolalar

Rajab - istig‘for oyi

6.01.2025   5292   2 min.
Rajab - istig‘for oyi

Hazrati Ali roziyallohu anhu aytadilar: “Rajab oyida istig‘for aytishni ko‘paytiring. Chunki bu oyning har bir soatida do‘zaxdan ozodlik bor” (Daylamiy rivoyati. Al-Firdavs (81/1. 247).

 

أَسْتَغْفِرُ اللهَ

O‘qilishi: “Astag‘firulloh”.

أَسْتَغْفِرُ اللهَ وَأَتُوبُ

O‘qilishi: “Astag‘firulloha va atuubu ilayh”.


أَستغفِرُ اللهَ الَّذي لا إلَهَ إلَّا هو الحيُّ القيُّومُ وأَتوبُ إليه

O‘qilishi: “Astag‘firullohallaziy laa ilaha illaa huval hayyul qayyum va atuubu ilayhi”.

 

رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ

O‘qilishi: “Robbig‘fir liy va tub ’alayya innaka antat tavvaabur rohiym”.

 

سُبْحَانَكَ وَبِحَمْدِكَ أَسْتَغْفِرُكَ وَأَتُوبُ إِلَيْكَ

O‘qilishi: “Subhaanaka va bihamdika astag‘firuka va atuubu ilayk”.

 

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لاَ إِلَهَ إِلاَّ أَنْتَ أَسْتَغْفِرُكَ وَأَتُوبُ إِلَيْكَ

O‘qilishi: “Subhaanakallohumma va bihamdika ashhadu allaa ilaha illaa anta astag‘firuka va atuubu ilayk”.
 

اللَّهُمَّ إِنَّكَ عُفُوٌّ كَرِيمٌ تُحِبُّ الْعَفْوَ فَاعْفُ عَنِّي

O‘qilishi: “Allohumma innaka afuvvun kariymun tuhibbul afva fa’fu ’anniy”.

 

أَللَّهُمَّ مَغْفِرَتُكَ أَوْسَعُ مِنْ ذُنُوبِي وَرَحْمَتُكَ أَرْجَى عِنْدِي مِنْ عَمَلِي

O‘qilishi: “Allohumma mag‘firotuka avsa’u min zunuubiy va rohmatuka arjaa ’indiy min ’amaliy”.

 

أسْتغفرالله ربي من كلّ ذنبٍ وأتوبُ إليه

O‘qilishi: “Astag‘firulloha Robbiy min kulli zanbin va atuubu ilayh”.

 

Davron NURMUHAMMAD