Sayt test holatida ishlamoqda!
15 Yanvar, 2025   |   15 Rajab, 1446

Toshkent shahri
Tong
06:23
Quyosh
07:47
Peshin
12:37
Asr
15:37
Shom
17:22
Xufton
18:40
Bismillah
15 Yanvar, 2025, 15 Rajab, 1446

“Usmon Mus'hafi” saqlanayotgan carkofag uskunalari almashtirildi

10.08.2019   1522   2 min.
“Usmon Mus'hafi” saqlanayotgan carkofag uskunalari almashtirildi

O‘zbekiston Respublikasi Vazirlar Mahkamasining 2007 yil 8 iyundagi 115-sonli “Usmon Mus'hafini talab darajasida saqlashni ta’minlash to‘g‘risida”gi Qaroriga va 2019 yil 25 iyundagi 01-07/44-7-sonli “O‘zbekiston Respublikasi Vazirlar Mahkamasi majlisi”ning Bayonnomasida ko‘rsatilgan 1-2-bandlarining ijrosi yuzasidan “Usmon Mus'hafi” saqlanayotgan carkofagning havoni tozalab, namlikni bir me’yorda ta’minlab turuvchi uskunasining xizmat qilish muddati tugagani tufayli 2019 yilning 5-6 avgust kunlari ushbu uskuna yangisiga almashtirildi.
Almashtirish jarayonida O‘zbekiston musulmonlari idorasi raisi o‘rinbosari shayx Abdulaziz Mansur hazratlari, Din ishlari bo‘yicha qo‘mita Ziyorat turizmini rivojlantirish bo‘limi bosh mutaxassisi Tolibov Ma’mur, O‘zbekiston Respublikasi Fanlar akademiyasi Mikrobiologiya instituti biologiya fanlari nomzodi Maxsumxonov Ahmadjon, O‘zbekiston musulmonlari idorasi Xalqaro aloqalar bo‘limi yetakchi mutaxassisi Masaitov Saidjamol, Germaniya Federativ Respublikasidan kelgan mutaxassis Mayer Sebastian (Maier Sebastian), O‘zbekiston musulmonlari idorasi Kutubxona mudiri Mahkamov Kamoliddin va yetakchi mutaxassisi Ikramov Saidrahmatlar ishtirok etdilar.

Shayx Abdulaziz Mansur hazratlari “Mo‘yi Muborak” muzeyida saqlanayotgan “Usmon Mus'hafi” va uning vatanimiz tarixi va kelajagida tutgan muhim ahamiyati haqida gapirib o‘tdilar.
“Usmon Mus'hafi” saqlanayotgan carkofagga o‘rnatish uchun olingan RK-2/5 rusumli uskunani O‘zbekiston musulmonlari idorasi va Germaniyaning GLASBAU HAHN firmasi o‘rtasida tuzilgan shartnomaga muvofiq, germaniyalik mutaxassis Mayer Sebastian o‘zi bilan olib kelib, joriy yilning 5 avgust kuni yuqorida nomlari zikr qilinganlar ishtirokida o‘rnatdi.

Mutaxassis Mayer Sebastian 6 avgust kuni yangi o‘rnatilgan RK-2/5 rusumli uskunani ishlash jarayonini nazorat qildi. Uskuna talab darajasida ishlayotganiga amin bo‘lganidan so‘ng, Mus'hafning saqlanishida mas’ul bo‘lgan kishilarga uskuna ishlash jarayonidagi talablarni tushuntirib, ularga uskunani ishlatish yo‘riqnomasini topshirdi.
Germaniyalik mutaxassis GLASBAU HAHN firmasi talabiga muvofiq sarkofagning xizmat qilish muddati tugagan eski RK-2 rusumli uskunasini o‘zi bilan olib ketdi.

O‘zbekiston musulmonlari idorasi Matbuot xizmati

Maqolalar
Boshqa maqolalar
Maqolalar

Madinaga maktub!

15.01.2025   367   2 min.
Madinaga maktub!

"Makka bo‘lmaganida seni tashlab ketmas edim!!!"

Madina! Senga yillar talpingandik, sog‘ingandik, seni hajringdan ko‘z yoshlarimizni to‘kkandik. Seni sevmagan mo‘min bormi dunyoda, senga intilmagan muslim bormi dunyoda.
Seni goho tushlarimizda ko‘rardik, bu tushlardan hech-hech uyg‘ongimiz kelmasdi, seni nega yaxshi ko‘ramiz, seni nega yurakdan sevamiz!?

Chunki senda eng yaxshi ko‘rganimiz, suyukligimiz, sog‘inganimiz, seni sharaflantirgan Rasululloh alayhissalom borlar!

Chunki senda biz dunyoga kelmasimizdan turib bizni sog‘ingan, bizni yaxshi ko‘rgan Zot bordir.
Chunki senda, oxirga nafaslarida ham "ummatim, ummatim" deya g‘arib ummatlarini holidan tashvishlangan Zot bordir.

Yana senda, agar Rasululloh alayhissalom aytgan bo‘lsalar men hammasiga ishondim deya Siddiq maqomini topgan Zot bordir, Rasululloh alayhissalomni amakisi iymonga kelishini yaxshi ko‘rgan, Rasululloh sut ichganlarida chanqog‘i bosilgan Abu Bakr roziyallohu anhu bordir.

Yana senda, yurgan ko‘chasidan shayton qochgan, so‘zlarini Qur’on tasdiqlagan, "Umar xato gapirdi" deya olgan Amirul mo‘miniyn bordir.

Yana senda farishtalar hayo qilgan Zunnurayn Hazrati Usmon, vafoti Rasulullohni ko‘zlarini yoshlatgan o‘g‘li Ibrohim, qizlari Ummu Kulsum, Ruqayya, Fotima, Azvoju mutohharot onalarimizni va yana o‘n minga yaqin sahobani bag‘riga olgan Jannatul Baqe’ bordir.

Bizni yaxshi ko‘radigan, biz uni yaxshi ko‘radigan, Sayyidi shuhada Hazrati Hamzani bag‘riga olgan Uhud tog‘i bordir.

Yana senda, taqvo asosida barpo qilingan, unda o‘qilgan ikki rakaat namozga umrani savobi beriladigan Masjidil Qubo bordir.

Sendagi fazilatlarni sanasam tugamaydi. Senda sahobalarni izlari bordir, Rasulimizni hidlari bordir.

Allohga hamd bo‘lsinki, oshiq mahbubiga yetganidek seni visolingga yetdik, suyukligimiz jivoriga keldik, yaxshi ko‘rganlarimiz bo‘ylariga to‘ydik. 

Sendan hech ketgim kelmaydi, Madina! 
Chunki, “Rasululloh sollallohu alayhi va sallam: “Kimki Madinada vafot eta olsa, unda vafot etsin. Chunki, unda vafot etgan kishini shafoat qilaman” dedilar” (Abdulloh ibn Umar roziyallohu anhudan Imom Termiziy rivoyati).

Madina! Makka bo‘lmaganida seni tashlab ketmas edim!!!

TII “Qur’on ilmlari” kafedrasi o‘qituvchisi Adham Yusupov

Maqolalar