Bugun, 8 avgust kuni, yurtimiz hojilari belgilangan tartibda, muborak haj ibodatini ado etish uchun Mino vodiysiga chiqib ketadilar. Shu munosabat bilan, 7 avgust kuni «Haj-2019» mavsumi ishchi guruhi Makka shahridagi «Abrojul hidoya» mehmonxonasida guruh rahbarlari ishtirokida yig‘ilish o‘tkazdi.

Yig‘ilishda Mino, Arafot, Muzdalifada amalga oshiriladigan tashkiliy ishlar, bajariladigan amallar tartibi bo‘yicha kelishib olindi.

Eslatib o‘tamiz, bugun yurtimiz hojilari tamattu hajini niyat qilib ehrom bog‘lab, «Labbayka»ni aytib Mino sari yo‘l olishdi.

O‘zbekiston musulmonlari idorasi Matbuot xizmati