Muslim.uz sayti ijodkorlari tomonidan Imom Buxoriy va Imom Muslim barobar rivoyat qilgan - muttafaqun alayh darajasidagi hadislarni berib borish rejalashtirildi.

Ushbu hadislar Muhammad Fuod Abdulboqiyning "Marvarid Marjonlar: Imom Buxoriy va Muslim barobar rivoyat qilgan - muttafaqun alayh hadislar" asarining Ziyouddin Mansur tomonidan qilingan tarjimasi asosida tayyorlanadi.

Alloh subhanahu va taolo ushbu xayrli ishni muvaffaqiyatli va biz mo‘min-musulmonlar uchun manfaatli qilsin.

Yolg‘on hadis to‘qishdan saqlaning!

1- حديث عليّ قال: قال النبيّ صَلَّى اللَّهُ عَلَيْهِ وَسَلَّمَ: لا تكذِبوا عليّ، فإنه من كَذَبَ عليّ فَلْيَلِجِ النارَ

1- Aliy roziyallohu anhu rivoyat qilgan hadis: Payg‘ambar sollollohu alayhi va sallam: “(Men aytmagan hadisni “Rasululloh aytdi”, deb) mening (nomimdan) yolg‘on to‘qimanglar. Chunki kim menga yolg‘on nisbat bersa, albatta do‘zaxga kirgay”, dedilar.

2- حديث أَنَسٍ قال: إِنه لَيَمْنَعُنِى أَنْ أحدّثكم حديثًا كثيرًا أَنَّ النبيَّ صَلَّى اللَّهُ عَلَيْهِ وَسَلَّمَ قال: مَنْ تعمَّدَ عليّ كَذِبًا فَلْيَتَبَوَّأْ مَقْعَدَهُ من النار

2- Anas roziyallohu anhu: Meni sizlarga ko‘p hadis aytib berishdan Payg‘ambar sollollohu alayhi va sallamning: “Kim men(ing nomim)dan  qasddan yolg‘on (hadis) so‘zlasa, do‘zaxdan o‘z o‘rnini tayyorlab qo‘yaversin”, degan so‘zlari to‘sib turadi, dedi.

O‘zbekiston musulmonlari idorasi Matbuot xizmati