Sayt test holatida ishlamoqda!
27 Fevral, 2025   |   28 Sha`bon, 1446
search icon
Avvalgi sayt
ЎЗ РУ EN AR

Toshkent shahri
Tong
05:43
Quyosh
07:01
Peshin
12:41
Asr
16:27
Shom
18:14
Xufton
19:27
Bismillah
27 Fevral, 2025, 28 Sha`bon, 1446
Avvalgi sayt
#search
 YouTube

“Umra – 2023” mavsumi uchun nimcha (kamzul) va sumka tayyorlab beruvchi korxona va tashkilotlar o'rtasida tanlov e'lon qilinadi

17.08.2023   1092   2 min.
“Umra – 2023” mavsumi uchun nimcha (kamzul) va sumka tayyorlab beruvchi korxona va tashkilotlar o'rtasida tanlov e'lon qilinadi

O'zbekiston musulmonlari idorasi “Umra – 2023” ziyoratchilari uchun nimcha (kamzul) va sumka tayyorlab beruvchi korxona va tashkilotlar o'rtasida mazkur mahsulotlarga alohida-alohida ochiq tanlov e'lon qiladi.

Tanlovda qatnashish uchun quyidagilar taqdim etiladi:

1. Tashkilot guvohnomasi, rahbar shaxsning pasport nusxasi.
2. Tijorat banklardan K-2 ma'lumotnoma.
3. Nimcha (kamzul) va sumka namunalari.
4. Tijorat taklifi.
5. Korxonaning bankdagi so'nggi bir yillik pul mablag'lari aylanmasi haqida ma'lumotnoma.
6. Bog'lanish ma'lumotlari.
7. Amaldagi qonunchilikka muvofiq qo'shimcha hujjatlar talab etilishi mumkin.

Erkaklar nimchasi

O'lchamlari 50-52-54-56-58 bo'lishi, tugmali, kiyimning orqa tomonida O'zbekiston bayrog'ining tasviri va UZBEKISTAN yozuvi bo'lishi, og'irligi 190-220 gramm zichlikda bo'lib, rangi moviy bo'lishi lozim. Old tomonida uchta cho'ntak bo'lib, yuqori chap cho'ntak ustiga O'zbekiston musulmonlar idorasi huzuridagi “Haj” va “Umra” markazining logotipi tushirilishi kerak.

Ayollar nimchasi

O'lchamlari 50-52-54-56-58. Tugmali, kiyimning orqa tomonida O'zbekiston bayrog'ining tasviri va UZBEKISTAN yozuvi bo'lishi, og'irligi 190-220 gramm zichlikda bo'lib, rangi moviy bo'lishi kerak. Old tomonida ikkita cho'ntak bo'lib, yuqori chap qismida O'zbekiston musulmonlar idorasi huzuridagi “Haj” va “Umra” markazining logotipi tushirilishi lozim.

Sumka

Yorqin ko'k rangda bo'lib, og'irligi 250-280 gramm zichlikdagi matodan tikilishi, yon tomonida suv olib yurishga mo'ljallangan cho'ntak bo'lishi, old tomonida esa telefon uchun cho'ntak va shaxsni tasdiqlovchi hujjatlar uchun shaffof cho'ntak joylashgan bo'lishi talab etiladi.

Tanlovda ishtirok etmoqchi bo'lgan korxona va tashkilotlar 2023 yil 26 avgust kuniga qadar mazkur hujjatlarni O'zbekiston musulmonlari idorasiga taqdim etishlari zarur.

Manzil: Toshkent shahri Olmazor tumani Qorasaroy ko'chasi, 47-uy. Telefonlar: 71-240-04-75.

O'zbekiston musulmonlari idorasi

O'zbekiston yangiliklari
Boshqa maqolalar

Taqvoli inson qanday bo‘ladi?

25.02.2025   4086   2 min.
Taqvoli inson qanday bo‘ladi?

Taqvo – Allohdan qo‘rqish, Unga itoat qilish va gunohlardan saqlanish ma’nosini anglatadi. Bu tushuncha insonning qalbidagi ixlos, taqdirga bo‘lgan ishonch va Allohning hukmlariga sodiq qolish bilan bog‘liq.


Taqvoning asosiy ma’nolari:

1. Allohdan qo‘rqish va ehtirom qilish – inson gunohlardan uzoq bo‘lishi va Allohning amrlariga itoat qilishi.

2. Niyat va amal pokligi – faqat Allohning roziligini qidirish, riyo va dunyoviy manfaatlardan qochish.

3. Gunohlardan ehtiyot bo‘lish – nafaqat ochiq gunohlar, balki shubhali va zararli ishlardan ham uzoqlashish.

4. Sabr va shukr – sinovlarga sabr qilish, Alloh bergan ne’matlarga shukr aytish.


Qur’onda taqvo haqida:

Alloh taolo Qur’onda taqvo egalari haqida bunday marhamat qiladi: “Albatta, Alloh huzurida eng hurmatli kishingiz – eng taqvodoringizdir” (Hujurot surasi, 13-oyat).

Bu oyatdan ko‘rinib turibdiki, insonlarning Alloh huzuridagi maqomi boylik, nasab yoki martaba bilan emas, balki taqvo darajasi bilan belgilanadi.


Taqvoli inson qanday bo‘ladi?

Har bir ishida Allohning roziligini qidiradi.

Halolni mahkam ushlab, haromdan uzoq bo‘ladi.

Adolatli, mehribon va muruvvatli bo‘ladi.

O‘z nafsini tarbiya qiladi va qalbini pok saqlaydi.

 

Nabiy sollallohu alayhi vasallamdan taqvo haqida hadis:


Rasululloh sollallohu alayhi vasallam bunday deganlar:

“Taqvo shu yerda”, deb qo‘llari bilan qalblariga ishora qildilar (Imom Muslim rivoyati).

Bu hadis taqvoning tashqi ko‘rinish emas, balki insonning qalbidagi ixlos va itoat bilan bog‘liq ekanligini ko‘rsatadi.

Taqvo – musulmonning hayotidagi eng muhim sifatlardan biri bo‘lib, insonni Allohga yaqinlashtiradi va unga ikki dunyo saodatini olib keladi. Taqvoli inson to‘g‘ri yo‘ldan adashmaydi va hamisha Allohning madadini his qiladi.


Homidjon qori ISHMATBЕKOV