Burayda xurmolari festivali davom etmoqda
Burayda xurmolari festivali mahalliy fermer va savdogarlarning 11 milliondan ortiq xurmo daraxtini bozorga chiqarish arafasida bo'lib o'tmoqda.
Saudiya Arabistoni atrof-muhit, suv va qishloq xo'jaligi vazirligining Qassim viloyati boshqarmasi tashkil etgan ushbu festival 25 avgustga qadar davom etadi.
Festival xurmo etishtiruvchi fermerlarni zamonaviy qishloq xo'jaligi bilan tanishtirish va eng yaxshi xurmo etishtirishning innovatsion usullari bo'yicha tajriba almashishdan iborat.
Festivalda 4000 dan ortiq mavsumiy ish o'rinlari taqdim etildi. Saudiya Arabistoni Podshohligining reklama va turizm festivallarining eng muhim maqsadlaridan biri aynan fuqarolarni ish bilan ta'minlashdir.
Festival tashkiliy ishlari rahbari Holid Al-Nuqaydan yaratilgan ish o'rinlari qo'mita va nazorat guruhi, savdo markazi, chakana savdo do'kon, fermer xo'jaligi, xurmo maydoni va eksport maydonchalari orqali ta'minlanganini tasdiqladi.
Hurmo eksporti mamlakat iqtisodiyotining ajralmas qismiga aylandi. Qirollik mahalliy va xalqaro miqyosda raqobatbardoshligini oshirish maqsadida xurmo etishtirishni qo'llab-quvvatlash va rivojlantirishda davom etmoqda.
Festival mintaqada mashhur bo'lgan 45 dan ortiq xurmo turlarini targ'ib etish uchun keng qamrovli tadbir va xizmatlar tizimini yo'lga qo'ydi. Festival xurmo va uning hosili bo'yicha ixtisoslashgan davlat va xususiy agentliklarning ishtirokini o'z ichiga oladi. Shuningdek, marketingga ixtisoslashgan 27 dan ortiq agentlik jalb qilingan.
Shuningdek, viloyat fermerlari ham ishtirok etib, festivaldan tashqari davlat idoralari, ishlab chiqarish tarmoqlari va samarali oilalar uchun bir necha ko'rgazmalar tashkil etilmoqda.
O'zbekiston musulmonlari idorasi
Matbuot xizmati
"Xo‘jamulki" mahallasida obodlik va mehr-saxovat
Qumqo‘rg‘on tumanidagi "Xo‘jamulki" mahallasida "Mahallada obodlik va mehr-saxovat oyligi" doirasida keng jamoatchilik va aholi vakillari ishtirokida qizg‘in obodonlashtirish va bunyodkorlik ishlari olib borilmoqda. Bu tashabbus mahalla hayotiga yangicha ruh baxsh etib, hamjihatlik va ezgulik muhitini yanada mustahkamlamoqda.
Azaliy qadriyatlarimizdan biri bo‘lgan hashar an’anasi asosida mahalla ahli bir yoqadan bosh chiqarib, o‘z hududini yanada obod, fayzli va ko‘rkam maskanga aylantirish yo‘lida fidokorona mehnat qilmoqda. Har bir fuqaroning qalbida Vatanga muhabbat, mahallaga ehtirom tuyg‘usi jo‘sh urib, ular bunyodkorlik ishlariga faol hissa qo‘shmoqdalar.
Xususan, mahalla hududidagi muqaddas qadamjolardan biri – "Xo‘jamulki ota" qabristonida keng ko‘lamli tozalash va obodonlashtirish ishlari amalga oshirilmoqda. Hashar ishtirokchilari tomonidan qabriston hududi begona o‘tlar va chiqindilardan puxta tozalanib, qabr ustilari tartibga keltirilmoqda. Shuningdek, ziyoratchilar uchun qulay sharoitlar yaratish borasida zarur ishlar olib borilib, ajdodlar xotirasiga chuqur ehtirom ko‘rsatilmoqda.
Bu kabi ezgu tashabbuslar mahallada obodlik va hamjihatlik muhitini mustahkamlash bilan birga, ajdodlarimiz xotirasiga bo‘lgan hurmatimizni namoyon etadi. Ayni paytda, yosh avlodga milliy qadriyatlarimizni singdirish, ularni Vatanga muhabbat va mehnatsevarlik ruhida tarbiyalashda beqiyos ahamiyatga egadir. Bugungi hashar – kelajak avlod uchun namuna, ertangi kun uchun mustahkam poydevordir.
O‘zbekiston musulmonlari idorasi
Surxondaryo viloyati vakilligi Matbuot xizmati
