Bu raqam o‘tgan yilgiga nisbatan 5 mingtaga ko‘p deydi, Rossiya musulmonlar boshqarmasi rahbari o‘rinbosari Rushan hazrat Abbyasov. Bu haqda islam-today.ru sayti xabar berdi.
Rushan hazrat Abbyasovning aytishicha, diniy boshqarma rahbarlarining iltimosiga ko‘ra, Saudiya Arabistoni bu yil Rossiya uchun qo‘shimcha yana 5 mingta o‘rin ajratib bergan. Shu bilan Rossiyadan hajga boruvchilarning umumiy soni 25 ming 500 tani tashkil etmoqda. Rossiyaning o‘zida eng ko‘p o‘rinlar Dog‘iston, Checheniston, Ingushetiya respublikalariga ajratilgan. Jumladan, Dog‘istonga 10 mingta o‘rin, Tataristonga 1800 ta o‘rin berilgan. Moskvaning o‘zidan esa 2 ming kishi hajga boradi.
O‘zbekiston musulmonlari idorasi Matbuot xizmati
Qozog‘iston musulmonlari diniy boshqarmasi tashkil topganiga 35 yil to‘lgani munosabati bilan Olmaota shahrida “Markaziy Osiyo va Qozog‘istonda Islom: tarixiy an’analar va zamonaviy imkoniyatlar” mavzusida nufuzli xalqaro anjuman o‘tkazildi. Unda turli davlatlardan kelgan islom ulamolari ishtirok etishdi. Jumladan, O‘zbekiston musulmonlari idorasi huzuridagi Fatvo markazi direktor o‘rinbosari G‘ulomiddin Xolboyev ham qatnashib, “Sun’iy ong (intellekt) va uning hukmi” mavzusida chiqish qildi.
Darhaqiqat, sun’iy ong (SO) – odam kabi fikrlab, qo‘yilgan muammoga yechim topishga yo‘naltirilgan bugungi texnologiya. Garchi u turli uskuna va jihozlar ko‘rinishida bo‘lsa ham, qaror qabul qilish, insoniy xulq-atvorga taqlid qilish kabi qobiliyatlarga ega.
Axborot asri deb atalayotgan bugunga kelib ilm-fan va axborot-kommunikatsiya texnologiyalari juda ham tez va shiddat bilan rivojlanib bormoqda. Taraqqiy etgan o‘lkalarda sun’iy intellekt imkoniyatlaridan foydalanish kengayib, u ko‘plab sohalarga kirib bormoqda. Ushbu “ong”ning shar’iy hukmiga aniqlik kiritish zamona faqihlari oldida turgan muhim vazifalardan. Zero, undan musulmonlar ham keng miqyosda foydalanmoqda.
O‘zbekiston ulamolari vakili G‘ulomiddin domla Xolboyevning chiqishi shu ma’noda katta qiziqish bilan tinglandi.
O‘zbekiston musulmonlari idorasi
Matbuot xizmati