Saudiya Arabistoniga Haj ziyorati uchun yetib kelgan hindistonlik muslimaning farzandi shu yerning o‘zida tug‘ilgan. Bu haqda Saudiya Arabistoni axborot agentliklari xabar tarqatdi. Ma’lum qilinishicha, har yili Haj mavsumida o‘nlab ziyoratchilarning farzandlari muqaddas zaminda tug‘iladi.

Bu yilgi Hajga tashrif buyurgan oilaning farzandi ham ushbu mavsumda dunyoga keldi va ular farzandlarini Payg‘ambarimiz sollallohu alayhi vasallamga bo‘lgan muhabbatlari sabab Madina deb nomladilar.

Ma’lumot uchun, joriy yilda Hindistondan rekord miqdorida musulmonlar Haj ziyoratini ado etish uchun tashrif buyuradilar. Ularning soni 200 ming nafarni tashkil etadi.

O‘zbekiston musulmonlari idorasi Matbuot xizmati