Nishonga urilgan gaplar: “Inson gapirishni o‘rganishi uchun ikki yilga muhtoj bo‘ladi. Jim turishni o‘rganishi uchun esa, ellik yilga muhtoj bo‘ladi”
Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.
Qur’on haqida
Qur’onni tadabbur bilan o‘qishda ko‘p foydalar bor. Qur’ondagi har bir oyat, har bir jumla, har bir kalima, har bir harf, har bir harakat va har bir nuqtada ulkan hikmatlar bordir. Qur’onni tadabbur bilan o‘qigan kishi qalbida o‘ta yoqimli lazzatni, halovatni, ma’rifatni his etadi.
Tadabbur deganda Qur’onni ixlos bilan, shoshmasdan, har bir kalima va jumlaning ma’nosiga e’tibor berib, hikmatini tushunib, oyatdan ibrat, pandu nasihat olib, buyruqlariga itoat qilib, qaytarganlaridan qaytib tilovat qilishni tushunsak to‘g‘ri bo‘ladi, deb o‘ylayman. Vallohu a’lam.
*****
ISLOM DININING USTUNLARI
Alloh taolo Ro‘zani Madinada, hijriy 2-yilda farz qildi. Zakotni ham Madinada, hijriy 2-yilda farz qildi. Hajni ham Madinada farz qildi. Ya’ni, Alloh taolo Islom dinimizning ustunlari bo‘lgan bu farz ibodatlarni Madinada (Yerda) farz qildi. Ammo Namozni Me’rojda farz qildi. Bu esa, Namozning sha’ni, qadri, ahamiyati naqadar yuksak ekanini ko‘rsatadi.
*****
Qur’on o‘qib, tilovatga berilib ketib, ovqat qilishga kechroq urindim, birozdan so‘ng pishadi desang, kechqurunga ovqat yemay, non va suv bilan kifoyalanishga mingdan ming roziman.
*****
Zolim ko‘zini ochsin!
Agar mazlum zolimga qonuniy yoki jismoniy javob qaytarmay, indamay qo‘ya qolsa, zolim yanada ko‘proq ehtiyot bo‘lsinki, Alloh taolo o‘sha zolim kimsadan mazlum bandasining o‘chini, haqqini olib beradi.
*****
Inson gapirishni o‘rganishi uchun ikki yilga muhtoj bo‘ladi. Jim turishni o‘rganishi uchun esa, ellik yilga muhtoj bo‘ladi.
Ernest Heminguey,
amerikalik yozuvchi, jurnalist, Nobel mukofotining laureati
*****
Agar bir insonni aldagan bo‘lsang, bu uning ahmoqligini anglatmaydi. Balki o‘sha odam senga loyiq bo‘lganingdan-da ko‘proq ishonganini anglatadi.
Charlz Bukovskiy,
amerikalik shoir, jurnalist.
*****
Agar yoqtirmaslik, nafrat degan narsalarning elektrga aylanishi mumkin bo‘lganda, (o‘sha elektr) butun dunyoning yorug‘ bo‘lishiga kifoya qilgan bo‘lardi.
Nikola Tesla,
kashfiyotchi, injener, fizik
*****
Muhabbat umrda bir marta keladi. Yoqtirish esa, bir necha marta. Sen bularning orasini aralashtirma, tag‘in nadomat qilib yurmagin.
Mark Tven,
amerikalik yozuvchi, jurnalist
*****
A’zolarning toati
Sabr - qalbning toati.
Tafakkur - aqlning toati.
Namoz - jasad va ruhning toati.
Zikr - tilning toati.
Ko‘zni pastga qaratish - ko‘zning toati.
Zakot - molning toati.
*****
Bir yigit donishmandning oldiga borib, unga: “Nafsimda ikkita bo‘ri urushyapti. Ulardan biri yaxshilikka chorlaydi, boshqasi yomonlikka” dedi. Shunda donishmand “Qaysi biriga taom bersang, o‘sha g‘olib bo‘ladi” dedi.
“Tarix muhrlagan so‘zlar”
Internet materiallaridan to‘plab, tarjima qiluvchi
Nozimjon Iminjonov
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
