Muborak Haj safaridan oldin vatandoshlarimizning yurtimizning muqaddas qadamjolariga va ziyoratgohlariga tashrif buyurishi an’anaga aylangan. O‘zbekiston musulmonlari idorasi Toshkent viloyati vakilligi hamda Toshkent viloyati hokimligi hamkorlikda yaxshi an’anani davom ettirish maqsadida Haj-2019 Toshkent viloyati bu yilgi taraddudda bo‘lib turgan hojilardan 3 ta guruhi ziyoratchilarining qadimiy va go‘zal Samarqand viloyatiga sayohatini tashkil qildilar.

100 nafarga yaqin yurtdoshlarimiz Imom al- Buxoriy, Go‘ri Amir, Hazrati Hizr va Shohi Zinda majmualariga tashrif buyurib, ziyorat qildilar. Ziyoratchilarga majmua va madaniy yodgorliklarimizning tarixi, buyuk bobokalonlarimiz qoldirgan boy ilmiy meros haqida ma’lumotlar berilishi bilan birgalikda, ziyorat odoblariga doir bilimlar ham taqdim etildi.

Asori atiqalar, tarixiy obidalar, buyuk ajdodlarimiz yotgan va go‘zal majmuaga aylantirilgan maskanlar ziyoratchilarda juda katta taassurotlar qoldirdi.

O‘zbekiston musulmonlari idorasi Matbuot xizmati