Bolgarda musulmon yoshlarning XVI forumi o'tkaziladi
Shu yilning 16 avgust kuni Tatariston Respublikasi musulmonlari diniy idorasi qarorgohida XVI Butunrossiya musulmon yoshlar forumining tantanali ochilish marosimi bo'lib o'tadi.
Forum ishtirokchilarini Tatariston Respublikasi muftiysining birinchi o'rinbosari Ilfar hazrat Hasanov, “Ajal Bufkeran” jamg'armasi (Marokash) magistri, professori Shayx Abdurrahim Lakrim, Tatariston Respublikasi musulmonlari diniy idorasi ijtimoiy rivojlanish bo'limi mudiri va Tatariston Respublikasi innovatsion rivojlanish boshqarmasi boshlig'i Oygul Biktimirova tabriklaydi.
Forum 16-23 avgust kunlari Bolgarning qadimiy shahrida chodirlar shaharchasi shaklida musulmonlar o'rtasida xayriya ishlari mavzusida o'tkaziladi. Unda Indoneziya, Misr, London, Qrim Respublikasi, Boshqirdiston, Kabardino-Balkariya (Nalchik), Chuvashiya va Tatariston, shuningdek, Perm o'lkasi, Moskva, Astraxan, Vladikavkaz, Sverdlovsk viloyati, Ijevsk, Yoshkar-Ola, Samara va Hanti-Mansiyskdan 18-30 yosh atrofidagi 100 ga yaqin iqtidorli yosh ishtirok etadi.
Forum Rossiyada ummat manfaati uchun ijtimoiy loyihalarni yaratish va amalga oshirish uchun platformaga aylanadi. Ya'ni yosh musulmonlarga ijtimoiy startaplarni amalga oshirishning turli bosqichlarida qanday “paketlash”ni o'rgatadi: bular grant tanlovlarida qatnashish uchun taqdim etilishi mumkin bo'lgan g'oya yoki tayyor loyihalar bo'lishi mumkin.
Musulmon yoshlar forumi natijalariga ko'ra eng yaxshi loyihalar tanlab olinadi. Forum dasturidan diniy bilim olish, ilmiy-ma'rifiy ma'ruzalar, treninglar, mahorat darslari, TYeD va debatlar, kinozal va kitob klubi, sayohat va ekskursiyalar o'rin olgan.
O'zbekiston musulmonlari idorasi
Matbuot xizmati
«Qur’on tinchlikka buyuradi»
O‘zbekiston davlat mustaqilligining 35 yilligi munosabati bilan «Qur’on tinchlikka buyuradi» shiori ostida Samarqand shahridagi "Obi Rahmat" jome masjidida Qur’on musobaqasi tashkil etildi. Qur’oni karimga bo‘lgan muhabbatni yuksaltirish, qiroat va tajvid ilmlarini keng targ‘ib etish hamda jamiyatda tinchlik va osoyishtalik g‘oyalarini mustahkamlashga xizmat qiluvchi ushbu xayrli tadbirning saralash bosqichlaridan o‘tgan ishtirokchilar «Hifz» va «Mujavvid» yo‘nalishlari bo‘yicha bellashdi.
G‘olib va sovrindorlar:
«Hifz» yo‘nalishi:
1-o‘rin: Asqar Tursunov (Samarqand shahri, «Muhammadamin ota» masjidi imom-noibi);
2-o‘rin: Abduvakil Olimov (Urgut tumani, «G‘avsul A’zam» masjidi imom-xatibi);
3-o‘rin: Shavkat Mahmudov (Narpay tumani, «So‘fi Ziyrak» masjidi imom-xatibi).
«Mujavvid» yo‘nalishi:
1-o‘rin: Zikrullo Matlabov (Samarqand shahri, «Xo‘ja Abdu Darun» masjidi imom-noibi);
2-o‘rin: Burxoniddin Tursunov (Nurobod tumani, «Jom ota» masjidi imom-xatibi);
3-o‘rin: Isomiddin Isayev (Paxtachi tumani, «Xo‘ja Ziyovuddin» masjidi imom-xatibi).
Qo‘shimcha nominatsiyalar:
«Eng ta’sirchan tilovat»: O‘tkir Abdullayev (Pastdarg‘om tumani);
«Eng go‘zal tilovat»: Sardorxon Sobirov (Samarqand tumani);
«Tajvid qoidalariga eng mukammal rioya qilgan ishtirokchi»: Yusufxon Nizomov (Samarqand shahri).
Tadbir yakunida g‘oliblarga O‘zbekiston musulmonlari idorasi viloyat vakilligining diplomlari va «Vaqf» fondi filiali tomonidan qimmatbaho sovg‘alar topshirildi.
O‘zbekiston musulmonlari idorasi
Matbuot xizmati
