So‘nggi vaqtlarda Internetdagi ijtimoiy tarmoqlarda shaxsiy manfaatlari yo‘lida o‘zga shaxslar nomidan sahifa yoki profil ochib, soxta ma’lumotlarni tarqatish holatlari kuzatilmoqda.

Jumladan, shu kunlarda “Facebook” ijtimoiy tarmog‘ida O‘zbekiston musulmonlari idorasi raisi, muftiy Usmonxon Alimov nomidan profil ochilgan. Ushbu profil egasi O‘zbekiston musulmonlari idorasi raisi nomidan turli g‘araz maqsadlarga xizmat qiluvchi materiallarni chop etgan.

Ta’kidlash joizki, hozirgi vaqtda muftiy Usmonxon Alimovning hech qaysi ijtimoiy tarmoqlarda rasmiy ochilgan sahifasi yoki profili mavjud emas. O‘zbekiston musulmonlari idorasi raisiga “Muslim.uz” saytdagi “Murojaat va mulohazalar uchun virtual qabulxona” orqali murojaat qilish mumkin. Shuningdek, shar’iy masalalardagi savollarni “Telegram” messenjeridagi “Din va hayotga oid savollar” nomli kanalga va “Savollar.muslim.uz” saytiga yo‘llash mumkin.

O‘zbekiston musulmonlari idorasini matbuot xizmati