Sayt test holatida ishlamoqda!
13 Iyun, 2025   |   17 Zulhijja, 1446

Toshkent shahri
Tong
03:04
Quyosh
04:49
Peshin
12:28
Asr
17:38
Shom
20:00
Xufton
21:38
Bismillah
13 Iyun, 2025, 17 Zulhijja, 1446

“Oylar sultoni – Ramazon!” tanlovi g‘oliblari taqdirlandi

28.06.2019   4356   2 min.
“Oylar sultoni – Ramazon!” tanlovi g‘oliblari taqdirlandi

27 iyun kuni O‘zbekiston musulmonlari idorasida “Matbuot va ommaviy axborot vositalari xodimlari kuni” munosabati bilan o‘tkazilgan bayram tadbiri doirasida “Oylar sultoni – Ramazon!” maqolalar tanlovi g‘oliblarini taqdirlash marosimi bo‘lib o‘tdi.
Quyidagi tanlov g‘oliblari diplom va sovg‘alar bilan taqdirlandi:
1-o‘rin – “Qadr kechasini izlang!” nomli maqola muallifi Nilufar Saidaziz qizi birinchi darajali diplom va Noutbuk kompyuteri bilan taqdirlandi.
2-o‘rin – “Ramazon oyida Payg‘ambarimizning amallari qanday bo‘lgan?” nomli maqola muallifi Muhammad Ali Muhyiddin ikkinchi darajali diplom va planshet bilan taqdirlandi.
3-o‘rin – “Qadr kechasi fazilatlari” nomli maqola muallifi Iysoxon Yahyo ikkinchi darajali diplom va telefon apparati bilan taqdirlandi.
“Oylar sultoni – Ramazon!” maqolalar tanlovida faol ishtirok etgan mualliflar maqtov yorlig‘i va sovg‘alar bilan taqdirlandi:
“Ramazon – yoshlar uchun ayni fursat!” nomli maqola muallifi Abdussami’ Ergashev;
“Ko‘z qanday ro‘za tutadi?” nomli maqola muallifi Fayzullayev Doniyor;
“Ro‘zaning yetti buyuk fazilati” nomli maqola muallifi Asadulloh Muhammad;
“Ro‘zaning inson salomatligiga tibbiy foydalari” nomli maqola muallifi Omonjonov Zikrillo;
“Iftorlik” nomli maqola muallifi Umida Adizova;
“Ramazonda muslima singlimga dil so‘zlarim” nomli maqola muallifi Odina Saydaxmedova;
“Ramazon oyi va uning ro‘zasining fazilatlari” nomli maqola muallifi Umarali Abdulg‘affor;
“Muborak Ramazon vaqtlarini qanday o‘tkazaylik” nomli maqola muallifi Abdulqayyum Komil;
“Oylar sultoni – Ramazon” nomli maqola muallifi Haytmurat Yerejepov;
“Xush bor, Ramazon...” nomli maqola muallifi Zumrad Foziljon qizi kabilar munosib taqdirlandi.
“Oylar sultoni – Ramazon!” tanlovi doirasida O‘zbekiston musulmonlari idorasining Namangan va Samarqand viloyatlari vakilliklari matbuot xizmatlari maqtov yorliqlari va sovg‘alar bilan taqdirlandi.
O‘zbekiston musulmonlari idorasi raisi, muftiy Usmonxon Alimov hazratlari tanlov g‘oliblari va ishtirokchilariga Alloh taboraka va taolodan ijodlariga qut-baraka tilab, mazkur taqdim etilgan sovg‘alar ramziy ekani va oliy mukofot Janobi Haq taoloning huzurida taqdim etilishini so‘radilar.

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

Fotiha surasining shifo ekanini qayerdan bilding?

13.06.2025   975   2 min.
Fotiha surasining shifo ekanini qayerdan bilding?

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Abu Said Xudriy roziyallohu anhudan rivoyat qilinadi: «Rasululloh sollallohu alayhi vasallamning sahobalaridan bir nechtasi safarga chiqishdi. Ular arab mahallalaridan biriga tushib, mehmon qilishini so‘rashdi. Mahalladagilar esa ularni mehmon qilishdan bosh tortishdi. Nogahon, ana shu mahalla oqsoqolini bir narsa chaqib oldi. Unga hamma narsani qilib ko‘rishdi, ammo foyda bermadi. Ba’zilar: «Ana u mehmonlarga boringlar-chi, shoyad, ularda biror narsa bo‘lsa?» deyishdi. Ular borib: «Ey mehmonlar jamoasi, bizning boshlig‘imizni bir narsa chaqib oldi. Hamma harakatni qilib ko‘rdik, ammo foyda bermadi. Sizlarda biror narsa bormi?» deb so‘rashdi.

Mehmonlardan bittasi: «Allohga qasamki, men dam solinadigan bir duoni bilaman. Lekin sizlardan bizni mehmon qilishingizni so‘raganimizda, rad etdinglar. Bizga bu duoning evaziga biror narsa bermasanglar, uni aytmayman», dedi. Ular bir to‘da qo‘y berishga kelishib olishdi. Shunda u sahoba «Alhamdu lillahi Robbil ’alamiyn»ni (ya’ni, Fotiha surasini) o‘qib sufladi. Oqsoqol go‘yo arqon yechilganidek harakatga keldi. Unda biror og‘riq qolmay yurib ketdi. Keyin ular kelishilgan narsani berishdi. Sahobalar: «Uni taqsimlanglar», deyishgan edi, dam solgan kishi: «Nabiy sollallohu alayhi vasallamdan bu to‘g‘rida so‘rab, bizga biror narsani buyurmagunlaricha taqsimlamanglar», dedi. Sahobalar Nabiy sollallohu alayhi vasallam huzurlariga borib, bu voqeani aytib berishdi. Shunda u zot: «Sen uning (Fotiha surasining) shifo ekanini qayerdan bilding? - dedilar, so‘ngra to‘g‘ri qilibsizlar, ularni taqsimlanglar. Menga ham ulush ajratinglar», deb Nabiy sollallohu alayhi vasallam kulib qo‘ydilar».

Imom Buxoriy va Imom Muslim rivoyatlari.

Mana shu imom Buxoriyning rivoyatlari mukammalroqdir.

Boshqa rivoyatda esa: «Fotihani o‘qib, tufugini to‘plab suflab qo‘ydi. So‘ng haligi kishi tuzalib ketdi», deyiladi.

Imom Navaviyning «Al-Azkor» kitobidan