Sayt test holatida ishlamoqda!
05 May, 2025   |   7 Zulqa`da, 1446

Toshkent shahri
Tong
03:45
Quyosh
05:15
Peshin
12:25
Asr
17:19
Shom
19:28
Xufton
20:52
Bismillah
05 May, 2025, 7 Zulqa`da, 1446

Katta yo‘l yoqasidagi masjid qaytadan quriladi

17.06.2019   3967   2 min.
Katta yo‘l yoqasidagi masjid qaytadan quriladi

Parvardigorimizga shukurki, yurtimizdagi tinchlik, osoyishtalik hamda muqaddas dinimiz, bebaho qadriyatlarimizni asrab avaylashga bo‘lgan davlat darajasidagi e’tibor sabab, masjidlarimiz ko‘rkam qiyofa kasb etmoqda. Binolari eskirib, nurab qolgan masjidlar o‘rnida yangi masjidlar qad rostlamoqda. O‘zbekiston Respublikasi Vazirlar Mahkamasining 2018 yil 15 fevraldagi “Muqaddas qadamjolar, ziyoratgohlar, masjidlar va qabristonlarni obodonlashtirish  ishlarini samarali tashkil etish to‘g‘risida”gi 120-son qaroriga muvofiq hududlarda faoliyat yuritayotgan masjidlarning eski binolarini rekonstruksiya qilish va ta’mirlash bo‘yicha “Yo‘l xaritasi” tasdiqlangan bo‘lib, unga ko‘ra Respublika bo‘yicha 159 ta masjid to‘liq qaytadan quriladi.

Ana shu dasturga muvofiq “Siroj solih”, “To‘qmoq ota”, “Xo‘jakent”, “Sori eshon Abdali” masjidlarining qayta qurilishiga ilk g‘isht qo‘yilgani haqida xabar bergan edik.

Kuni kecha Jizzax viloyati Forish tumanidagi "Yangiqishloq" jome masjidi binosi qurilishiga ilk tamal toshi qo‘yildi. Marosimda Jizzax viloyat hokimi o‘rinbosari E.Ismatov, viloyat bosh imom-xatibi Mehmonali domla Jabborov va boshqa mutasaddilar, masjid jamoati ishtirok etdilar. Yig‘ilganlar xayrli duo, ezgu niyatlar bilan tabarrukona birinchi g‘ishtni qo‘yib berdilar. Masjid tez orada qad ko‘tarib, hudud aholisining diniy-ma’rifiy bilimlari, axloqi, ibodatlari uchun munavvar maskan bo‘lib xizmat qilishini tiladilar.

Alohida qayd etish lozimki, mazkur masjid Jizzax-Nurota-Navoiy katta yo‘li yoqasida joylashgan bo‘lib, ziyorat turizmi hamda mahalliy yo‘lovchilarning ibodatlarini ado etib olishlari  uchun qulay nuqta hisoblanadi. Shu bois, olti sotixdan ortiq maydonda qurilayotgan yangi masjid 800 kishini sig‘dira oladigan katta xonaqoh, tahoratxona, ayollar uchun namozxona, qo‘shimcha ma’muriy xonalardan iborat bo‘lishi rejalashtirilgan. Ahamiyatlisi, masjid hovlisida yordamchi xo‘jalik tashkil etilib, issiqxona barpo etish ko‘zda tutilgan.

 

 

 

 

 

O‘zbekiston musulmonlari idorasi Masjidlar bo‘limi 

 

 

 

 

O'zbekiston yangiliklari
Boshqa maqolalar
Yangiliklar

Diniy-ma’rifiy sohadagi xalqaro hamkorlik yangi bosqichga olib chiqiladi

02.05.2025   6297   1 min.
Diniy-ma’rifiy sohadagi xalqaro hamkorlik yangi bosqichga olib chiqiladi

Samarqand shahrida bo‘lib o‘tgan anjuman doirasida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari va Din ishlari bo‘yicha qo‘mita raisi Sodiqjon Toshboyev Misr Vaqf ishlari vaziri Shayx Usoma Azhariy, islom olamidagi nufuzli tashkilot Musulmon donishmandlar kengashi Bosh kotibi Muhammad Abdussalom hamda Ozarbayjon diniy tashkilotlar bilan ishlash qo‘mitasi raisi Ramin Alamshah o‘g‘li Mamedov bilan uchrashuvlar o‘tkazdi.  

Muloqotlarda Prezidentimiz tashabbuslari bilan yurtimizda vijdon va e’tiqod erkinligini ta’minlash, diniy-ma’rifiy sohadagi islohotlarni yangi bosqichga olib chiqish, diniy bag‘rikenglik va millatlararo totuvlik hamda allomalar merosini tadqiq etish borasida amalga oshirilayotgan ishlar yuqori baholandi. Shuningdek, mazkur yo‘nalishlarda alohida qonun, qaror va maxsus farmonlar qabul qilingani, jamiyatimizda turli diniy konfessiyalar vakillari orasida ahil-inoqlik yanada mustahkamlangani va mo‘min-musulmonlar toat-ibodat qilishi uchun keng imkoniyatlar taqdim etilgani alohida qayd etildi.

Martabali mehmonlar davlatlar o‘rtasidagi hamkorlik yil sayin rivoj topib borayotganini ta’kidlashdi. Bugungi murakkab davrda mana shunday xalqaro hamkorlik, o‘zaro tajriba almashish va anjumanlar tashkil etishning ahamiyati katta ekaniga urg‘u qaratildi.

Uchrashuvda tomonlar ilmiy tadqiqot, diniy ta’lim, zamonaviy fatvolar ishlab chiqish, jaholatga qarshi ma’rifat bilan kurashish va diniy soha xodimlari malakasini oshirish kabilarda hamkorlik qilishni kengaytirishga kelishdilar.

 

O‘zbekiston musulmonlari idorasi Matbuot xizmati

Diniy-ma’rifiy sohadagi xalqaro hamkorlik yangi bosqichga olib chiqiladi Diniy-ma’rifiy sohadagi xalqaro hamkorlik yangi bosqichga olib chiqiladi Diniy-ma’rifiy sohadagi xalqaro hamkorlik yangi bosqichga olib chiqiladi Diniy-ma’rifiy sohadagi xalqaro hamkorlik yangi bosqichga olib chiqiladi Diniy-ma’rifiy sohadagi xalqaro hamkorlik yangi bosqichga olib chiqiladi Diniy-ma’rifiy sohadagi xalqaro hamkorlik yangi bosqichga olib chiqiladi Diniy-ma’rifiy sohadagi xalqaro hamkorlik yangi bosqichga olib chiqiladi Diniy-ma’rifiy sohadagi xalqaro hamkorlik yangi bosqichga olib chiqiladi Diniy-ma’rifiy sohadagi xalqaro hamkorlik yangi bosqichga olib chiqiladi
O'zbekiston yangiliklari