Torontoda Xalqaro Qur’on musobaqasi bo‘lib o‘tadi
Joriy yilning 29 avgust - 1 sentyabr kunlari Kanadaning Toronto shahrida Xalqaro Qur’on musobaqasi bo‘lib o‘tadi. Bu haqda Event Bride axborot saytiga tayanib Islom.uz nashri xabar beradi. Dunyoning turli mamlakatlaridan qorilar tashrif buyurib, ushbu musobaqada ishtirok etadi.
Xabarda aytilishicha, Abu Hurayra nomidagi markazda tashkil etiladigan musobaqa uchun jiddiy tayyorgarlik ishlari olib borilmoqda. Musobaqaning oldingi mavsumida turli davlatlardan 16 ta qori ishtirok etgan. G‘oliblarga 90 ming AQSH dollar miqdorida mukofot puli berilgan.
O‘zbekiston musulmonlari idorasi Matbuot xizmati
Kim juma kuni "Duxon" surasini o‘qisa
Rasululloh sollallohu alayhi vasallam: «Kim juma kechasi "Ho mim" – "Duxon"ni qiroat qilsa, mag‘firat qilinadi», dedilar.
Rasululloh sollallohu alayhi vasallam aytdilar: «Kim juma kechasi "Ho mim" – "Duxon" surasini o‘qisa, yetmish ming farishta tonggacha uning haqqiga istig‘for aytib chiqadi».
Rasululloh sollallohu alayhi vasallam: «Kim juma kechasi yoki juma kuni "Ho mim" – "Duxon"ni qiroat qilsa, Alloh unga jannatda bir uy bino qiladi», dedilar.