Saudiya Arabistoni Podshohligi Islom ishlari, da'vat va irshod vazirligi kelgusi yakshanba kuni 85 davlatning vazirlari va diniy ishlar idorasi rahbarlari ishtirokida xalqaro anjuman tashkil qiladi: “Dunyodagi diniy ishlar, fatvolar va shayxliklar boshqarmalari bilan hamkorlik munosabatlarini mustahkamlashga oid “Aloqa va integratsiya” mavzusidagi xalqaro konferentsiyaga mezbonlik qiladi.

Mamlakat Islom ishlari, da'vat va irshod vaziri doktor Abdullatif bin Abdulaziz Ol Shayxning ta'kidlashicha, anjuman ettita asosiy mavzuni o'z ichiga oladi, xususan, dunyodagi diniy ishlar bo'limlari, fatvo va shayxliklar idoralarining Islomga xizmat qilish, islom birligini mustahkamlash, voqelik va umid o'rtasidagi aloqa va integratsiya, ularning xalqlar o'rtasida bag'rikenglik va osoyishtalik  qadriyatlarini targ'ib qilish borasidagi sa'y-harakatlari, Qur'on va sunnatda mo''tadillik va asliyat, dunyodagi diniy ishlar, fatvo va shayxliklar idoralarining ekstremizm va terrorizmga qarshi kurash va ularning jamiyatni ateizm va parchalanishdan himoya qilish borasidagi sa'y-harakatlari kabilarni qamrab oladi.

O'zbekiston musulmonlari idorasi
Matbuot xizmati