Sayt test holatida ishlamoqda!
08 May, 2025   |   10 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:40
Quyosh
05:12
Peshin
12:25
Asr
17:20
Shom
19:31
Xufton
20:57
Bismillah
08 May, 2025, 10 Zulqa`da, 1446
Avvalgi sayt
#search
 YouTube

“Shayx Muhammad Sodiq Muhammad Yusuf” masjidiga imom-xatib tayinlandi

11.05.2019   9907   2 min.
“Shayx Muhammad Sodiq Muhammad Yusuf” masjidiga imom-xatib tayinlandi

Xabaringiz bor, kuni kecha Toshkent shahrida nafaqat yurtimiz, balki islom olamida mashhur bo‘lgan, ulug‘ alloma Shayx Muhammad Sodiq Muhammad Yusuf rohmatullohi alayh nomlaridagi muhtasham jome masjidning ochilish marosimi bo‘lib o‘tdi.
Muhtaram Yurtboshimiz tashabbuslari bilan bunyod etilgan ushbu muazzam majmua Ramazon oyida xalqimizga katta tuhfa bo‘ldi.

Bugun ushbu jome masjidga Shayx Muhammad Sodiq Muhammad Yusuf hazratlarining o‘g‘illari, boshlagan xayrli ishlarining davomchisi, bir necha islomiy tashkilotlarning a’zosi va mo‘min-musulmonlarga juda katta xizmat qilayotgan “Hilol nashr” majmuasi rahbari Ismoil Muhammad Sodiq Muhammad Yusuf imom-xatib etib tayinlandi. Shuningdek, Shayx hazratlarining suyukli shogirdlari, hofizi Kalomulloh Bahodir qori Rahmatullev esa mazkur masjid imom noibi vazifasiga tayinlandi.

Shu o‘rnida aytish kerakki, Ismoil Muhammad Sodiq kuchli ilmiy salohiyat, hayotiy tajriba va noyob iste’dod sohibi hisoblanadi. 1976 yilda Toshkent shahrida tavallud topgan. 1994 yil «Islomiy da’vat kulliyasi»ga o‘qishga kirdi. To‘rt yil bakalavr bosqichida, so‘ng ikki yil magistraturada o‘qib, 2001 yili ushbu kulliyani tamomladi. Shundan so‘ng, elchixonalarda, diniy ta’lim muassasalarida, nashr ishlarida, sayt xizmatlarida va ta’lim markazlarida faoliyat olib bordi.
Hozirda Ismoil Muhammad Sodiq «Hilol nashr» matbaa nashriyoti rahbari hisoblanadi.
Bugun 11 may kuni ushbu masjidda taroveh namozi ado etilib, xatmi Qur’on boshlanadi. Taroveh namozida O‘zbekiston musulmonlari idorasi raisi, muftiy Usmonxon Alimov hazratlari, ulamolar, marhum va mag‘fur Shayx hazratlarining yaqinlari, shogirdlari ishtirok etishi kutilmoqda.
Alloh taboraka va taolo Ismoil Muhammad Sodiqni ulug‘ Ustozning vorisi sifatida otasining ishlarini davom ettirib borishini nasib etsin va yangi sharafli martabani Haq taolo muborak aylasin.
Xatmi Qur’onga marhabo!


O‘zbekiston musulmonlari idorasi Matbuot xizmati

Boshqa maqolalar

100 dan ziyod oilaga ham ma’naviy, ham moddiy ko‘mak berildi

07.05.2025   1348   2 min.

Birgina kishining ma’naviy va moddiy ehtiyojlari ta’minlanishiga ko‘maklashsangiz, u qanchalik shodu xurram bo‘ladi.


Endi bir emas, o‘n emas, yuzdan ziyod oilaga ham ma’naviy, ham ma’rifiy, ham moddiy ko‘mak berilsa, qancha kishining ko‘ngli ko‘tarilishini, sizni alqashini tasavvur qilib ko‘ring-a.


Shu yil 5 may kuni O‘zbekiston musulmonlari idorasi raisi o‘rinbosari Zayniddin domla Eshonqulov hamda Toshkent shahar bosh imom-xatibi Abduqahhor domla Yunusov boshchiliklarida poytaxtimizning Chilonzor tumanidagi «Shayx Muhammad Sodiq Muhammad Yusuf» jome masjidida ma’naviy-ma’rifiy sayyor yig‘ilish o‘tkazildi.


Tadbirda Toshkent shahar bosh imom-xatibi Abduqahhor domla Yunusov, O‘zMI mas’ul xodimlari, Toshkent shahar tumanlari bosh imomlari, imom-domlalar, 2024 yilda hajga borgan hoji ota va hoji onalar ishtirok etdilar.


Tumandagi ijtimoiy-ma’naviy muhitni yanada sog‘lomlashtirish maqsadida mahallalarga tashrif buyurildi. Adashib aqidasi buzuq turli oqimlar ta’siriga tushib qolgan shaxslar, ajrim yoqasiga kelib qolgan oilalar bilan ham suhbatlar olib borildi.


Katta hayot tajribasiga ega hoji otalar, hoji onalar imom-xatiblar, otinoyilar bilan birgalikda olib borgan ma’rifiy targ‘ibotlari o‘z samarasini berdi: yuzdan ziyod xonadonga ham ma’naviy, ham moddiy yordam ko‘rsatildi.

* * *

Toshkent shahar bosh imom-xatibi Abduqahhor domla Yunusov Chilonzor tumanidagi "Katta Qozirabot" mahallasiga tashrif buyurib u yerdagi bir qancha xonadonlarga kirib xonadon egalarining qalblariga xursandchilik ulashdilar.

* * *

Peshin namozidan so‘ng tadbir ishtirokchilari yana «Shayx Muhammad Sodiq Muhammad Yusuf» masjidiga yig‘ilib, amalga oshirilgan ishlar yuzasidan o‘zaro fikr almashdilar.


Xayrli duolar bilan tashrif o‘z nihoyasiga yetdi.

@MuslimShosh