Mamlakat Turizm vazirligi sakkizta yangi davlatga: Ozarbayjon, Albaniya, O'zbekiston, Janubiy Afrika, Gruziya, Tojikiston, Qirg'iziston va Maldiv orollariga “elektron nizom” asosida ziyorat vizasi berish bo'yicha yangi qadam tashladi. Mazkur davlat fuqarolari qirollikdagi xalqaro portlardan biriga etib kelgan vaqtda Qirollikka elektron shakldagi ziyorat vizasi uchun talabnoma bilan murojaat etishlari mumkin bo'ladi.

Ushbu qadam Qirollikning sayyohlik strategiyasi va turizm sektorining 2030 yilga mo'ljallangan maqsadlariga mos keladi. Bu sohaning yalpi ichki mahsulotdagi hissasini 3 foizdan 10 foizga oshirish, mamlakat fuqarolarini bir million qo'shimcha ish o'rinlari bilan ta'minlash va 2030 yilgacha 100 million sayyohni jalb qilishni o'z ichiga oladi.

Tashrif vizasi shaxslarga Podshohlikning turli hududlariga tashrif buyurish va umra marosimlarini bajarish imkonini beradi.
Saudiya Arabistoni Turizm vaziri Ahmad bin Aqil al-Hatib tomonidan chiqarilgan nizomda sayyohlar ushbu tartib va qoidalarga rioya qilishlari shart ekani, ular Qirollikda bo'lganlarida, o'z shaxsini tasdiqlovchi hujjatlarni doimo o'zi bilan birga olib yurishlari ma'lum qilingan.

Vazirlik ziyorat vizasi haj ziyoratiga ruxsat bermasligini, shuningdek, Haj mavsumida Umra ziyoratini amalga oshirishga imkon bermasligini ta'kidladi. Bu esa Podshohlikning dunyo bilan xalqaro munosabati va muloqotini rivojlantirish hamda iqtisodiyotni takomillashtirishga qaratilgan sa'y-harakatlar asosiy maqsadlar zamirida ekaniga dalolat qiladi.

Turizm vazirligi Qirollikda turizm sohasi infratuzilmasini izchil rivojlantirish va kengaytirish bilan bir vaqtda qo'shimcha mamlakatlar va hududlarni qamrab olish uchun elektron ziyorat vizasi tizimini yanada kengaytirish niyatida ekanini ma'lum qildi.

O'zbekiston musulmonlari idorasi xodimi
I.Ahmedov tayyorladi