Xushxabar: Koll-sentr – diniy savollarga telefon orqali javob beradi
O‘zbekiston musulmonlari idorasi tashabbusi bilan 2019 yilgi muborak Ramazon oyida mo‘min-musulmonlarning telefon orqali yo‘llangan ro‘za tutish bilan bog‘liq barcha shar’iy masalalariga ulamolarning tunu kun javob berish tizimi joriy etildi.
Endilikda, mo‘min-musulmonlar shu yil 3 maydan 3 iyunga qadar haftada yetti kun, kunda 24 soat davomida o‘zlarining ro‘za tutish bilan bog‘liq shar’iy savollariga javob olishlari mumkin (ibodat vaqtlaridan tashqari).
Buning uchun quyidagi telefon raqamlariga qo‘ng‘iroq qilinadi:
90 9026910;
90 9170580;
93 5752832 (faqat ayol-qizlar uchun, 08:00 dan 18:00 gacha).
O‘zbekiston musulmonlari idorasi Matbuot xizmati
Yagona Vatan, yagona xalq — ezgulik va mehr-oqibat sari!
Surxondaryo viloyati hokimi tashabbusi bilan O‘zbekiston Respublikasi davlat mustaqilligining 35 yilligi arafasida boshlangan “Yagona Vatan, yagona xalq bo‘lib, yangi hayot va kelajak yaratamiz!” shiori ostidagi ezgulik chellenji davom etmoqda.
Mazkur ezgu tashabbus doirasida Qumqo‘rg‘on tumanida ham ijtimoiy himoyaga muhtoj, e’tibor va ko‘makka ehtiyojmand oilalarning 51 nafar farzandlariga maktab o‘quv qurollari va so‘mkalar topshirildi.
Xususan, ushbu ezgu tadbir Qumqo‘rg‘on tumani "Shah Mashrab" jome' masjidida O‘zbekiston Musulmonlari idorasi Surxondaryo viloyati vakili R.Abdullayev, Surxondaryo viloyati hokimligi kotibiyat mudiri D.O’roqov, tuman Bosh imom-xatibi H.Zayniyev hamda tumandagi barcha masjid imom-xatiblari ishtirokida bo‘lib o‘tdi.
Bunday ezgu tashabbuslar orqali yurtdoshlarimizga mehr va g‘amxo‘rlik ko‘rsatilib, ularning og‘irini yengil qilish, muammolariga yechim topish hamda xonadonlarga bayramona kayfiyat ulashishga alohida e’tibor qaratilmoqda.
Zero, inson qadri, mehr-oqibat va saxovat bor joyda ezgulik bardavom bo‘ladi.
Qumqo‘rg‘on tuman hokimligi Axborot xizmati
