Qur’oni karimda: “Ramazon oyi – odamlar uchun hidoyat (manbai) va to‘g‘ri yo‘l hamda ajrim etuvchi hujjatlardan iborat Qur’on nozil qilingan oydir”, deb marhamat qilingan (Baqara, 185).
Ramazon oyida mamlakatimizning mingdan ortiq masjidlarida xatmi Qur’on qilinadi. Haq kalomi qorilar tomonidan bir karra to‘liq o‘qilib, eshittiriladi. Ramazon oyida Qur’oni karimni xatm qilish sunnat. Uni tilovat qilish ham, shu tilovatni eshitish ham ulug‘ ibodatdir.
Saytimiz ijodkorlari respublikamizning turli hududlaridagi jome masjidlarda bu yilgi Ramazon oyida masjidlarda xatmi Qur’on o‘qiyning qorilarning qiroatlarini birma-bir e’lon qilishni reja qildi.
Ushbu xayrli ishning debochasini Toshkent shahri Olmazor tumani “Ahmadjon qori” jome masjidida xatmi Qur’onga o‘tadigan Hasanxon qori Abdumajidovning tilovatini siz azizlarga havola etamiz.

O‘zbekiston musulmonlari idorasi Matbuot xizmati