Sayt test holatida ishlamoqda!
18 Yanvar, 2025   |   18 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:22
Quyosh
07:45
Peshin
12:38
Asr
15:41
Shom
17:25
Xufton
18:43
Bismillah
18 Yanvar, 2025, 18 Rajab, 1446
Avvalgi sayt
#search
 YouTube

Qozon shahrida «Russia Halal Expo – 2019» ko‘rgazmasi bo‘lib o‘tdi

27.04.2019   2457   3 min.
Qozon shahrida «Russia Halal Expo – 2019» ko‘rgazmasi bo‘lib o‘tdi

2019 yilning 24-26 aprel kunlari Tataristonning Qozon shahrida «Rossiya va Islom dunyosi» shiori ostida XI-xalqaro iqtisodiy sammiti bo‘lib o‘tdi. Bu haqda islom.uz manbasi xabar berdi.

Ushbu sammit doirasida «Russia Halal Expo – 2019» ko‘rgazmasi ham tashkil etildi. Unda dunyoning 50 yaqin mamlakatlaridan 3000 dan ziyod ishtirokchilar qatnashdi.

Ko‘rgazma davomida tadbir ishtirokchilari tomonidan muqaddas qadamjolarga ziyorat turizmi yo‘nalishidagi sayyohlarni jalb qilish bo‘yicha ishlarni faollashtirish, uni rivojlantirish istiqbollari, bu borada zarur reklama tadbirlarini o‘tkazish, logistikalarni tashkil etish masalalariga alohida urg‘u berildi.

Xususan, sammitda ishtirok etgan yurtimiz vakillari tomonidan O‘zbekistonda turizm hamda ziyorat turizmi infratuzilmalarini rivojlantirish va yangi turizm obyektlarini tashkil etishga qaratilgan chora-tadbirlar jadallik bilan amalga oshirilayotgani haqida so‘z yuritildi. Ushbu sohada xalqaro hamkorlikni kengaytirish, mazkur yo‘nalishga to‘g‘ridan to‘g‘ri investitsiyalarni jalb etish, O‘zbekistonni ziyorat turizmining yirik markazlaridan biriga aylantirish zarurligi ta’kidlab o‘tildi.

Shu o‘rinda dunyo mo‘min-musulmonlari uchun halollikni doimo ta’minlash va kelajak avlodga meros qoldirish lozimligi, shu bois, butun dunyoda oziq-ovqat, suv, kiyim-kechak, sog‘liq va tijorat kabi barcha sohalarda halol ishlab chiqarish yo‘lga qo‘yilgani e’tirof etildi. Bundan ko‘zlangan asosiy maqsad – halol oziq-ovqat, halol turizm, halol tekstil, halol tibbiyot kabi sohalarni zamonaviy texnologiyalar yordamida aslini yo‘qotmagan holda rivojlantirish va kelajak avlodga meros qoldirish.

Tadbir davomida «Hilol nashr» matbaa nashriyoti faoliyati haqida ham so‘z bordi. Yurtimiz vakillari o‘z ma’ruzalarida mazkur nashriyotning faoliyati, bugungi kunda olib borayotgan ishlari, kelajakdagi istiqbollari haqida to‘xtalib o‘tishdi. Ma’ruza davomida tadbir ishtirokchilariga nashriyot tomonidan mamlakatimizda ilk marta chop etilgan Qur’oni karim nusxasi taqdim etildi.

Ushbu Qur’oni karimdan bir nusxasi Tatariston muftiysi Kamil Samigullinga hadya qilindi.

Qozon shahrida o‘tkazilgan sammit barcha ishtirokchilarda katta va unutilmas taassurotlar qoldirdi.


Islom.uz portali tahririyati

Manba: https://islom.uz

Dunyo yangiliklari
Boshqa maqolalar
Yangiliklar

Ziyoratchilar bilan muloqot qilinib, mehmonxonadagi sharoitlar ko‘zdan kechirildi

14.01.2025   6345   2 min.
Ziyoratchilar bilan muloqot qilinib, mehmonxonadagi sharoitlar ko‘zdan kechirildi

Saudiya Arabistonida xizmat safarida bo‘lib turgan Din ishlari bo‘yicha qo‘mita raisi Sodiqjon Toshboyev va muftiy Shayx Nuriddin Xoliqnazar hazratlari boshchiliklaridagi delegatsiya Makka shahridagi mehmonxonada ziyoratchilarimiz uchun yaratilgan sharoitlar bilan yaqindan tanishdi.

Soha rahbarlari bilan muloqotda bo‘lgan yurtdoshlarimiz muborak amallarni bekamu ko‘st ado etish uchun qilingan sharoitlardan benihoya mamnunliklarini izhor etib, mana shunday ezgu ishlarga rahnamolik qilayotgan muhtaram Prezidentimiz va mutasaddilardan cheksiz minnatdor ekanlarini bildirdilar. 
Haqiqatan, hamyurtlarimiz uchun barcha sharoitlar muhayyo qilingan. Mazkur mehmonxonaning foyelari keng bo‘lib, qulay o‘rindiqlar joylashtirilgan va ziyoratchi o‘z xonasiga ko‘tarilmoqchi bo‘lsa, yetarli adadda liftlar ishlamoqda. Shu joyning o‘zidan ishchi guruh vakillari ziyoratchilarimiz talab-istaklariga doimo hozirjavob bo‘lishmoqda. 

Har bir xonada yuvinish xonasi mavjudligi, sovutkich, muzlatkich, stol-stul, jurnal stoli, telefon, televizor va zamonaviy mebellar bilan jihozlanganini ta’kidlash kerak. Shuningdek, qibla ko‘rsatkichi, joynamoz, Qur’oni karim va televizor ham mavjud. 

Bir necha yuz kishilik oshxonada ibodatga quvvat bo‘ladigan uch mahal laziz taomlar, sarxil mevalar, salatlar, shirinliklaru sharbatlar tortiq qilinmoqda.

Mehmonxonada tibbiyot xonasi va ishchi guruhi shtabi tashkil etilgan bo‘lib, malakali shifokorlar va tajribali mutaxassislar uzluksiz ziyoratchilar xizmatida bo‘lmoqda. Harami sharifga 24 soat davomida avtobus qatnovlari yo‘lga qo‘yilgan. 

Mana shunday sa’y-harakatlar yurtimizdagi “Inson qadri – ulug‘”, degan yuksak tamoyil fuqarolarimiz dunyoning qaysi burchagida bo‘lsa ham amalda ekanini yaqqol namoyon etadi. Shu bois ham muqaddas zaminlarda ulug‘ ibodat uchun yaratilgan qulaylik, e’tibor va ehtiromdan benihoya ruhlangan ziyoratchilarimiz muhtaram Prezidentimizga samimiy tashakkurlarini yetkazishni soha rahbarlaridan iltimos qildilar.

Muftiy hazratlari ziyoratchilarimiz bilan birga peshin namozini ado etib, yurtimiz tinchligi va xalqimiz farovonligi, haj va umra ibodatlari bardavom bo‘lishi va bu borada davlatimiz Rahbarining olib borayotgan ishlariga xayru baraka so‘rab duolar qildilar. 

Ziyoratchilar bilan muloqot qilinib, mehmonxonadagi sharoitlar ko‘zdan kechirildi Ziyoratchilar bilan muloqot qilinib, mehmonxonadagi sharoitlar ko‘zdan kechirildi Ziyoratchilar bilan muloqot qilinib, mehmonxonadagi sharoitlar ko‘zdan kechirildi Ziyoratchilar bilan muloqot qilinib, mehmonxonadagi sharoitlar ko‘zdan kechirildi Ziyoratchilar bilan muloqot qilinib, mehmonxonadagi sharoitlar ko‘zdan kechirildi Ziyoratchilar bilan muloqot qilinib, mehmonxonadagi sharoitlar ko‘zdan kechirildi Ziyoratchilar bilan muloqot qilinib, mehmonxonadagi sharoitlar ko‘zdan kechirildi Ziyoratchilar bilan muloqot qilinib, mehmonxonadagi sharoitlar ko‘zdan kechirildi Ziyoratchilar bilan muloqot qilinib, mehmonxonadagi sharoitlar ko‘zdan kechirildi
O'zbekiston yangiliklari
#logo