Farzandlaringizga namoz uyqudan, sevgidan, suhbatlashib o‘tirishdan, gapdan, molu dunyodan, kulgudan, ishdan, safardan, orzu qilgan dunyoviy narsalaridan, qo‘lga kiritgan va kiritmagan barcha narsalaridan, zaifligidan, kuch-quvvatidan, dunyo va undagi jamiki narsalardan ham yaxshiroq ekanini o‘rgatinglar!

*****

Peshinni o‘qigach, ro‘zador holda, yozning jaziramasiga qaramay, iftorlik uchun lazzatli taomlar pishirishga hozirlik ko‘ra boshladi. Dasturxonga nimalar qo‘yishni o‘ylardi. Pishirgan taomlarini ko‘rganda oila a’zolarining yuzlarida rozilik alomati paydo bo‘lishini ko‘rish ilinjida shomning azonini qalbi shodlikka to‘lgan holda kutardi.

Ey Robbim! Ro‘zador holda ro‘zadorlarga iftorlik va saharlik taomlari tayyorlaydigan onalarimiz, opa-singillarimiz, turmush o‘rtoqlarimiz va qizlarimizni panohingda asrab, gunohlarini mag‘firat etgin!

*****

Ota-onalar uchun oltin nasihat 

Agar o‘ziga ishonadigan farzand tarbiya qilmoqchi bo‘lsangiz, bolangizning yuziga qarab baqirishdan, uni masxara qilishdan, ustidan kulishdan, kamsitishdan, boshqa tengqurlari bilan solishtirishdan, xo‘rlashdan, urishdan, xossatan, yuziga urishdan tiyilinglar! Unutmang! Bu aytilganlar bolaning shaxsiyatini vayron qiluvchi illatlardir!

*****

Ibn Qayyim rahimahulloh dedilar: “Kim molini Allohning toati yo‘lida sarflashdan yuz o‘girsa, garchi istamasa ham, molini Allohdan boshqa uchun sarflash bilan balolanadi”.

*****

Istig‘for – har bir dard uchun davo, har bir balo uchun najotdir!

Nozimjon Iminjonov tarjimasi