Avval xabar berganimizdek, TII Tahfizul Qur’on kafedrasi o‘qituvchisi Zafar qori Mahmudov 10-18 aprel kunlari Al-Kuvayt shahrida bo‘lib o‘tadigan 10-xalqaro Qur’on musobaqasida tilovat yo‘nalishi bo‘yicha ishtirok etish uchun Kuvayt davlatiga jo‘nab ketgan edi.

11 aprel kuni Zafar qori Mahmudov 1-boschiqdan muvaffaqiyatli o‘tgach, qur’a natijalariga ko‘ra, birinchi bo‘lib tilovat yo‘nalishi bahslarini boshlab bergan edi.

Kecha 18 aprel kuni qizg‘in o‘tgan musobaqa o‘z nihoyasiga yetdi va yakunga ko‘ra institutimiz o‘qituvchisi Zafar qori Mahmudov 80 ta davlatdan ishtirok etgan 160 ta qorilar orasida faxrli o‘ntalikka kirib musobaqani muvaffaqiyatli yakunladi.

10-xalqaro Qur’on musobaqasida 1-o‘rinni nigeriyalik qori qo‘lga kiritdi, 2-o‘rin jazoirlik qoriga nasib etdi, 3-o‘ringa somalilik qori munosib topilgan bo‘lsa, to‘rtinchi o‘rinni sudanlik qori egalladi.

Kuvaytdagi ushbu 10-xalqaro Qur’on musobaqasi hifz, tilovat yo‘nalishida va bu yildan boshlab yosh, o‘smir qorilar o‘rtasida o‘tkazildi.

E’tiborli tomoni, Zafar qori Mahmudov 2011 yili Saudiya Arabistonida bo‘lib o‘tgan xalqaro Qur’on musobaqasida ham munosib ishtirok etgan edi.