Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan. 

Har qanday qo‘rquv senga g‘am keltirsa, Alloh taolodan bo‘lgan qo‘rquv senga ikki jannatni olib keladi. Zero U Zot Qur’oni Karimda: “Robbisi huzurida turishdan qo‘rqqanlar uchun ikki jannat bor” degan.

“Hayotning narigi yuzi”

*****

Kimda kim tabassum qilishga sabab topa olmayotgan bo‘lsa, ko‘zlarini bir necha soniyaga yumsin-da, keyin ochib, hamma narsani ko‘ra oladigan ko‘zining nuri tabassum qilish uchun ulkan sabablardan biri ekanini anglab yetsin!

“Hayotning narigi yuzi”

*****

Ko‘pincha sen eshitishni istamayotgan nasihat aslida sen eshitishing kerak bo‘lgan nasihatdir!

“Tarix muhrlagan so‘zlar”

*****

Ishim orqaga ketganda yo‘q bo‘lib qolgan bo‘lsang, ishim o‘ngidan kelganda oldimga kelishni o‘ylamay qo‘yaver!

“Tarix muhrlagan so‘zlar”

*****

Har bir odamning boshqa insonlar bilmaydigan yashirin g‘amlari bo‘ladi. Ko‘pincha biz unday insonlarni sovuqqon deymiz. Aslida esa ularning ichlari alamdan, og‘riqdan qaynayotgan bo‘ladi.

“Tarix muhrlagan so‘zlar”

*****

Ortingdan gapiradilar. Chunki ular chindan ham sendan orqada-da!

“Tarix muhrlagan so‘zlar”

*****

Internet materiallaridan to‘plab, tarjima qiluvchi

Nozimjon Iminjonov