Xorazm viloyati Gurlan tumani bosh imomi, “Qora Alam Bobo” jome masjidi imom-xatibi Mahmudjon Habibullayev Gurlan tumani Fidokor mahallasida yashovchi Qutlimuratovlar oilasiga o‘z hisobidan yangi uy qurib berdi. Mazkur oila hududdagi ijtimoiy himoyaga muhtoj oilalardan biri bo‘lib, yashab turgan xonadoni nochor holatda, uyning shifti, pollari yaroqsiz ahvolda edi. Uning ustiga, gaz, elektr tokidan katta miqdordagi qarzdorligi sababli tarmoqdan uzib qo‘yilgan edi. Imom-xatib eski uyning yonidan alohida binoda 5 xonalik yangi uy qurib bergan, kommunal to‘lovlardan ham qarzlarini to‘lab bergan.
Aslida bu xabar, mazkur xonadon sohibi, uch farzandning otasi Umrbek Qutlimurodovning Diniy idoraga Mahmudjon Habibullayev nomiga yozilgan Tashakkurnoma xatidan so‘ng ma’lum bo‘ldi.
Tashakkurnoma xatida: “Bosh imom Mahmudjon aka bizlarni zax, ko‘rimsiz joydan xalos qilib, o‘z hisobidan besh xonali zamonaviy tartibda uy solib berdi. Biz farzandlarimiz bilan har kuni ertalab qo‘limizni duoga ochib, u kishini uzoq umr ko‘rishini, qilayotgan xayrli va savobli ishlari Qodir Alloh huzurida o‘zlariga soyabon bo‘lishini istab qolamiz, deya mamnuniyat so‘zlari bitilgan.
Biz bu masala bo‘yicha biz imom domla bilan bog‘langanimizda kamtarlik bilan: “Ha, o‘tgan yili qish oylarida xonadonning og‘ir sharoitini ko‘rib, Alloh qodir qilsa, shu oilaga yangi uy qurib berishni niyat qilgan edik, yozga chiqib, shu ish nasib bo‘ldi va tez fursatda uy ham bitdi, dedilar.
Alloh roziligi, xalq xizmati yo‘lida qilnayotgan bu kabi ishlar ko‘payaversin.
O‘zbekiston musulmonlari idorasi Masjidlar bo‘limi
حدثنا محمد بن معاذ بن يوسف المروزي نا محمد بن معاوية نا الليث بن سعد نا الحكيم بن عبد الله بن قيس عن عامر بن سعد بن أبي وقاص عن أبيه سعد بن أبي وقاص قال: قال رسول الله صلى الله عليه وعلى آله وسلم: من سمع المؤذن يؤذن فقال: وأنا أشهد أن لا إله إلا الله وحده لا شريك له وأن محمدا عبده ورسوله رضيت بالله ربا وبالإسلام دينا وبمحمد صلى الله عليه وعلى آله وسلم نبيا غفر له.
Sa’d ibn Abu Vaqqos aytadi: “Rasululloh sollallohu alayhi va ’alaa olihi vasallam: “Kim muazzinning azon aytayotganini eshitganda: “Va ana ashhadu allaa ilaha illallohu vahdahu laa shariyka lahu va anna Muhammadan ’abduhu va Rasuluhu.
Roziytu billaahi Robban va bil Islaami diynan va bi Muhammadin sollallohu alayhi va ’alaa olihi vasallam nabiyyan” deb aytsa, uning gunohlari kechiriladi”, dedilar.
Ma’nosi: Guvohlik beramanki, Allohdan boshqa iloh yo‘q, U yakkayu yagonadir, sherigi yo‘qdir va Muhammad Uning bandasi va Rasulidir. Allohni Robb, Muhammadni Rasul va Islomni din deb rozi bo‘ldim.
Abu Said Haysam ibn Kulayb Shoshiyning
“Musnadi Shoshiy” asaridan
Davron NURMUHAMMAD tarjimasi