Sayt test holatida ishlamoqda!
10 Iyun, 2025   |   14 Zulhijja, 1446

Toshkent shahri
Tong
03:05
Quyosh
04:50
Peshin
12:28
Asr
17:37
Shom
19:59
Xufton
21:36
Bismillah
10 Iyun, 2025, 14 Zulhijja, 1446

Istig‘for ayting!

15.04.2019   3898   1 min.
Istig‘for ayting!

“Istig‘for”  bandaning Alloh taolodan mag‘firat (gunohlarini kechirishini) so‘rashidir. Buning lafzlari: Astag‘firulloh, Astag‘firullohal-’aziym kabi lafzlardir.

Istig‘forning foydalari nihoyatda ko‘pdir.

Ibn Abbos roziyallohu anhumodan rivoyat qilinadi: “Nabiy sollallohu alayhi vasallam: “Kim istig‘forni lozim tutsa, Alloh unga har bir torlikdan chiqishni, har bir g‘amdan kushoyish nasib qiladi. Hamda uni o‘zi bilmagan joydan rizqlantiradi”, dedilar”.

Abu Dovud va Nasaiy rivoyat qilganlar.

Inson bu dunyoda turli sinovlarga duch keladi. Boshiga tashvish tushadi, muammolardan chiqadigan yo‘lni topolmay qoladi, topish-tutishi kam bo‘lib, yetishmovchiligi ortadi va hokazo. Bularning barchasini muolaja qiladigan eng muhim narsalardan biri – istig‘fordir! Demak,

Faqirlik, yetishmovchilikdandan qiynalyapsizmi? Istig‘for ayting!

Azobu mashaqqatlardan qutulmoqchimisiz? Istig‘for ayting!

Yomg‘ir yog‘may, o‘simliklar, hayvonlar tashnalikdan nobud bo‘lyaptimi? Istig‘for ayting!

G‘amlar ezib yubordimi? Istig‘for ayting!

Qarzga botib, uni to‘lashga qiynalyapsizmi? Istig‘for ayting!

Rizqda baraka yo‘qmi? Istig‘for ayting!

Farzand talabidamisiz? Istig‘for ayting!

Dehqonchilik yaxshi bo‘lmayaptimi? Istig‘for ayting!

Quvvatingiz ziyoda bo‘lishini xohlaysizmi? Istig‘for ayting!

Gunohlaringiz kechirilishini istaysizmi? Istig‘for ayting!

Munofiqlikdan omonda bo‘lishni istaysizmi? Istig‘for ayting!

Bir kunda 100 marta istig‘for aytadigan Payg‘ambarimiz sollallohu alayhi vasallamga munosib ummat bo‘lishni istaysizmi? Istig‘for ayting!

Nozimjon Iminjonov tarjimasi

Maqolalar
Boshqa maqolalar

Olimga nimani nasihat qilaman?

09.06.2025   2512   2 min.
Olimga nimani nasihat qilaman?

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Sayyid Sulaymon Nadaviy rahmatullohi alayhning ilm va fazllari mashhur bo‘layotgan va shuhrat qozonayotgan edi. U kishi o‘zlarining voqealarini quyidagicha so‘zlab beradilar: «Men «Siyratun-Nabiy sollallohu alayhi vasallam» kitobini olti jild qilib tamomladim. «Muhtaram Zotning siyratlaridagi biror jilva yoki ko‘rinish mening hayotimda ham bo‘lganmi yoki yo‘q? Agar bo‘lmagan bo‘lsa, u holda qanday bo‘ladi?» degan o‘y qayta-qayta qalbimda tinchlik bermas edi. Shu maqsad uchun Allohning biror valiysini qidirdim.

Thana Bhavandagi xonaqohda yashaydigan va Alloh taolo fayzlarini taratib qo‘ygan Mavlono Ashraf Ali Tahonaviy hazratlari haqida eshitgan edim. Shunday qilib, bir kuni Thana Bhavanga borishni niyat qildim va safarga chiqdim. Borib, hazrat bilan ko‘rishdim va bir necha kun u yerda turdim. Ortga qaytayotganimda hazrat Tahonaviy rahmatullohi alayhga: «Hazrat! Biror nasihat qiling», dedim. U zotning xayollariga o‘sha payt: «Shunday katta allomaga nima nasihat qilaman? Ilm va fazli butun dunyoga mashhur bo‘lsa», degan o‘y kelibdi. Keyin: «Ey Alloh! Qalbimga uning uchun ham foydali bo‘lgan va mening uchun ham foydali bo‘lgan narsani sol», deb duo qilibdi. Shundan keyin hazrat Tahonaviy rahmatullohi alayh Sayyid Sulaymon Nadaviy rahmatullohi alayhga xitob qilib: «Ey birodar! Bizning yo‘limizda boshidan oxirigacha o‘zingizni xokisor tutishingiz kerak», debdilar.

Sayyid Sulaymon Nadaviy rahmatullohi alayh aytadilar: «Hazrat Tahonaviy rahmatullohi alayh bu so‘zlarni aytayotganlarida qo‘llarini ko‘ksilariga olib borib, past tarafiga bir zarba berdilar, zarba xuddi mening qalbimga tushgandek bo‘ldi».

Hazratimiz Doktor Abdulhay rahmatullohi alayh aytadilar: «Bu voqeadan keyin Sayyid Sulaymon Nadaviy rahmatullohi alayh o‘zlarini shunday xokisor tutdilarki, uning misli topilishi qiyin edi. Bir kuni qarasam, xonaqohning tashqarisida hazrat Sayyid Sulaymon Nadaviy rahmatullohi alayh majlisga kelganlarning oyoq kiyimlarini tartiblayotgan ekanlar. Shunday tavoze’ va muhabbatni Alloh taolo u kishining qalbida paydo qildi va keyin yuksak darajalarga ko‘tarib qo‘ydi».

«Nasihatlar guldastasi» kitobidan