Sayt test holatida ishlamoqda!
24 Iyul, 2025   |   29 Muharram, 1447

Toshkent shahri
Tong
03:34
Quyosh
05:11
Peshin
12:35
Asr
17:37
Shom
19:52
Xufton
21:21
Bismillah
24 Iyul, 2025, 29 Muharram, 1447

Muftiy hazrat Bulg‘or islom akademiyasi faoliyati bilan tanishdi

12.03.2019   4233   1 min.
Muftiy hazrat Bulg‘or islom akademiyasi faoliyati bilan tanishdi

Bugun, 12 mart kuni O‘zbekiston musulmonlari idorasi raisi, muftiy Usmonxon Alimov hazratlariTatariston Respublikasiga xizmat safarlari davomida Bulg‘or Islom akademiyasi faoliyati bilan yaqindan tanishdilar.
Tashrif chog‘ida Bulg‘or Islom akademiyasidatashkil etilgan shart-sharoitlar, ta’lim berish shakllari, kutubxona, namozxona faoliyati haqida ma’lumotlar berildi. Shuningdek, O‘zbekiston delegatsiyasi bilan Bulg‘or Islom akademiyasi vakillari o‘rtasida o‘zaro tajriba almashish borasida davra suhbati o‘tkazildi.
Ma’lumki, 1080 yildabulg‘or olimi Yoqub ibn No‘mon tomonidan bilimlar uyi, zamonaviy til bilan aytilganda universitet ochilgan. U o‘sha paytda talab kuchli bo‘lgan hanafiy fikhi va huquqining markaziga aylangan. Ushbu ma’rifat markazini Bulg‘or Islomakademiyasi shaklida qayta tashkil etilishi – nafaqat Rossiyada, balki undan tashqarida ham katta ahamiyat kasb etmoqda.
Bulg‘or Islomakademiyasi o‘z eshiklarini ilmni yaxshi ko‘radigan, unga intiladigan, mazkur ilmlarni musulmonlar foydasiga sarflashni ko‘zlagan barcha uchun ochiq. Ushbu akademiyada o‘zbekistonlik talabalar ham tahsil olishmoqda.
Safar jarayonlarini saytimiz orqali kuzating.

 

 


O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

Hazrati inson bo‘ling!..

22.07.2025   4326   2 min.
Hazrati inson bo‘ling!..

Mashina yo‘liga chiqib ketgan odamni ko‘rib haydovchi zo‘rg‘a to‘xtatib qoldi. Undan ham oldin yonidagi do‘sti tushasolib yo‘lovchining yoqasidan oldi. Uzr so‘rab dovdirayotgan odamni ko‘rib, haydovchi tez tushdi-da, do‘stidan uning yoqasini qo‘yib yuborishini so‘radi.


– Bu nima deganing?! Sal bo‘lmasa qamalib ketarding-ku buni deb, – yanada jahli chiqdi do‘stining.


– Sen uni qo‘yib yuboraver, gap bor... Bo‘ldi, aka, hushyor bo‘lib yetib oling... Yo‘q, shoshmang...


Haydovchi hatto u odamning qo‘liga pul ham berdi. Do‘stini hayron qoldirib, mashinaga qaytdi.


Do‘stining savol nazari bilan qarab turganini ko‘rib, izoh bera boshladi:

– Bir soatcha oldin dorixonaga kirgandim. Shu odamga ko‘zim tushgandi. Qo‘lida dorilar ro‘yxati yozilgan qog‘oz, puli yetmaganidan mung‘ayib turgan edi. Dorilar narxini eshitib, og‘ir qadamlar bilan chiqib ketgandi. Ortidan chiqib yordam bergim keldi. Lekin pulimni qizg‘ondim. Tashqariga chiqqanimda u onasi bilan gaplashib turgan ekan. Haligi odam onasi bilan gaplashib bo‘lgach: “Shuncha pulni qayerdan topaman? Yo Alloh! O‘zing yo‘l ko‘rsat, deganini eshitib ham indamay ketaverdim. Go‘yo unga pul bersam o‘zim och qoladiganday... Holbuki, Alloh taolo O‘z Kalomida: “Shayton sizlarni (xayr-ehson qilishda) kambag‘al bo‘lib qolishdan qo‘rqitadi(Baqara surasi, 268-oyat) deya ogohlantirganini bilardim. Yana “Kimki (bir) hasana (savobli ish) qilsa, unga o‘n barobar (ko‘paytirib yozilur)” (An’om surasi, 160-oyat) degan va’dasini ham o‘qigandim. Baribir xomlik qildim. Sal bo‘lmasa o‘sha xasislik qilgan pulimdan o‘n, yuz hissasi chiqib ketadigan bir musibatga duchor bo‘lardim. Mayli, hechdan ko‘ra kech bo‘lsa ham, Alloh imkon berdi. Shuning uchun ayb u odamdamas, o‘zimda, deb bildim...


Ha, azizlar! Hayotimizda bunday holatlarga duch kelib turamiz. Avvalo, birov bilan tushunmovchilik bo‘lib qolsa u odamning ahvolini so‘raylik. Balki biror musibat yo tashvishda yurgandir. Darhol tilimizga kelgan so‘zlar bilan xaqorat qilib, urishib ketmaylik. Bunaqa vaziyatlarda shayton vasvasa qilishini unutmaylik. Xulosa qilishga shoshilmaylik. Hazrati inson degan nomga munosib ish tutaylik.


Akbarshoh Rasulov

O'zbekiston yangiliklari